قازاقستان رەسپۋبليكاسى تۇڭعىش پرەزيدەنتى – ەلباسىنىڭ قورى, قازاقستاننىڭ ىسكەر ايەلدەر قاۋىمداستىعى جانە «حابار» اگەنتتىگىنىڭ بىرلەسۋىمەن «قايىرىمدىلىق كەرۋەنى» رەسپۋبليكالىق بايقاۋىنا قاتىستى الماتىدا ءباسپاسوز ءماسليحاتىن وتكىزگەن ۇيىمداستىرۋشىلار قايىرىمدىلىقتى دارىپتەۋ, بەلسەندى ازاماتتىق باستامالاردى دامىتۋدى ماقسات ەتەتىن جوبانىڭ باعىت-باعدارى تۋرالى باق وكىلدەرىمەن ءبولىستى.
وتكەن جىلدىڭ قاراشا ايىنان باستالعان «قايىرىمدىلىق كەرۋەنى» رەسپۋبليكالىق بايقاۋىنا ۇمىتكەرلەردى تىركەۋ قازىرگى كەزدە جالعاسىن تابۋدا.
الەۋمەتتىك, قوعامدىق پروبلەمالاردى شەشۋگە جانە وزدەرىنىڭ جومارتتىعىمەن باسقالاردى مەيىرىمدىلىككە ىنتالاندىرۋعا ۇلەس قوسىپ جۇرگەن جەكەلەگەن ازاماتتار مەن زاڭدى تۇلعالار ءوز ۇسىنىستارىن اعىمداعى جىلدىڭ 9 اقپانىنا دەيىن جولدايتىن بولادى. وسىنداي مالىمەتتەرمەن بولىسكەن الماتى قالاسى بويىنشا قازاقستان ىسكەر ايەلدەر قاۋىمداستىعى ءتورايىمىنىڭ ورىنباسارى بالىم باتاەۆا, الماتى قالاسى بويىنشا «رۋحاني جاڭعىرۋ» جوباسىنىڭ جەتەكشىسى گۇلنار قوڭىروۆا, ىسكەر ايەلدەر قاۋىمداستىعىنىڭ باسقارما مۇشەلەرى نازىم احماتجانوۆا, جازيرا چاياروۆا, قاۋىمداستىق مۇشەسى سانا جانداي باق وكىلدەرىنىڭ سۇراقتارىنا جاۋاپ بەرىپ, ەلىمىزدىڭ كەز كەلگەن ازاماتىن قايىرىمدىلىق شارالارىنا اركەز دايىن بولۋعا ۇندەيتىن وسىنداي جوبانىڭ ومىرشەڭ بولۋى بايقاۋ قورىتىندىسىندا ناسيحاتتالاتىن يگى ىستەرمەن بايلانىستى ەكەندىگىن ايتادى.
ەلىمىزدىڭ بارلىق ءوڭىرى بويىنشا وتەتىن ىرىكتەۋ شارالارىنان كەيىن قازاقستاننىڭ ىسكەر ايەلدەر قاۋىمداستىعىنا جولدانعان بارلىق ۇسىنىستار نازارعا الىنىپ, ۇمىتكەرلەر بەس اتالىم بويىنشا «اسار» (نوميناتسيا حالىقتىڭ سالت-داستۇرىمەن بايلانىستى قايىرىمدىلىق قىزمەت كورسەتەتىن ادامدارعا قولداۋ كورسەتۋگە باعىتتالعان); «تۋعان جەر» ء(بىلىم بەرۋ, ەكولوگيا جانە كورىكتەندىرۋ سالاسىندا تۋعان ولكەگە كومەك كورسەتەتىن ادامدارعا بەرىلەدى); «مەيىرىم جولىندا» (اتالىمعا ەرىكتى نەگىزدە جانە تەگىن كومەك كورسەتەتىن, يگى ىستەر اتقاراتىن ادامدار يە بولادى); «باتىل جۇرەك» (نوميناتسيا ەرلىك ءىس جاساعان, جانكەشتىلىك تانىتقان ادامعا قولداۋ كورسەتۋ ماقساتىندا تاعايىندالادى); «قايىرىمدىلىق تاريحى» (نوميناتسيا باق-تا قايىرىمدىلىق تاقىرىبىن قوزعايتىن, قوعامنىڭ نازارىن الەۋمەتتىك پروبلەمالارعا اۋدارتاتىن ماتەريالداردىڭ جاريالانۋىن قامتاماسىز ەتەتىن جۋرناليستەرگە نەمەسە شىعارماشىلىق ۇجىمعا بەرىلەدى).
بايقاۋعا كاسىپكەرلىك نىساندارى جانە قايىرىمدىلىق قىزمەتتى مەملەكەتتىك قولداۋ ارقىلى جۇرگىزەتىن تۇلعالار (مەملەكەتتىك گرانت, مەملەكەتتىك تاپسىرىس جانە ت.ب.) قاتىستىرىلمايدى.
ەلۆيرا سەرىكقىزى,
«ەqemen Qazaqstan»
الماتى