ياندەكس وتكەن جىلى ىزدەۋ جۇيەسىندە قازاقستاندا بولعان وقيعالاردىڭ قايسىسى زور قىزىعۋشىلىق تۋدىرعانىن ءبىلدى.
حالىقتىڭ كوپشىلىگىن قازاقستاندىق مانەرلەپ سىرعاناۋشى, 2014 جىلى وتكەن قىسقى وليمپيادا ويىندارىنىڭ قولا جۇلدەگەرى دەنيس تەننىڭ ءولىمى تولعاندىردى. سونداي-اق حالىقتىڭ تۇرمىس دەڭگەيىنە اسەر ەتەتىن وقيعالار دا ۇلكەن قىزىعۋشىلىق تۋدىردى. ولار: تەڭگەنىڭ السىرەۋى, الەۋمەتتىك اۋدارىمدار مەن سالىقتار كولەمىنىڭ وزگەرۋى. توپ-10 وقيعالار تىزىمىنە اۋرۋلاردىڭ تارالۋى جانە جاڭا باعدارلامالار, اتاپ ايتقاندا, «7-20-25» يپوتەكالىق باعدارلاماسىنىڭ باستالۋى جانە ۇيالى تەلەفونداردىڭ تىركەلۋى كىردى.
تەلەفونداردى تىركەۋگە دەگەن ەڭ كوپ سۇرانىس قازان ايىندا بايقالدى. «7-20-25» باعدارلاماسىنا قىزىعۋشىلىق جاريالانعاننان باستاپ جىلدىڭ سوڭىنا دەيىن جوعارى دارەجەدە ساقتالدى. ال YouTube جۇمىسىنىڭ بۇزىلۋى ادامداردى تەك بىرنەشە كۇن عانا قىزىقتىردى.
ەلدەگى توپ-10 وقيعالار:
1. دەنيس تەننىڭ ءولىمى
2. مەنينگيتتىڭ تارالۋى
3. تەڭگەنىڭ السىرەۋى
4. «7-20-25» تۇرعىن ءۇي باعدارلاماسىنىڭ باستالۋى
5. YouTube جۇمىسىنىڭ بۇزىلۋى
6. الەۋمەتتىك اۋدارىمدار مەن سالىقتار كولەمىنىڭ وزگەرۋى
7. ۇيالى تەلەفونداردى مىندەتتى تۇردە تىركەۋدى ەنگىزۋ
8. استانا بانكىنىڭ داعدارىسى, ليتسەنزيانىڭ توقتاتىلۋى
9. گەپاتيت ا اۋرۋىنىڭ تارالۋى
10. كاسپي تەڭىزىنىڭ ستاتۋسىنا قاتىستى كەلىسىمگە قول قويۋ
قازاقستاندا بولعان وقيعالاردىڭ ءتىزىمى 2018 جىلى 1 قاڭتار مەن 19 قاراشا ايلارى ارالىعىندا ياندەكستىڭ ىزدەۋ جۇيەسىنىڭ دەرەكتەرى نەگىزىندە قۇراستىرىلدى.