مەملەكەت باسشىسى 2019 جىلدى قازاقستانداعى جاستار جىلى دەپ جاريالادى. قر تۇڭعىش پرەزيدەنتىنىڭ قورى جانىنداعى الەمدىك ەكونوميكا جانە ساياسات ينستيتۋتىنىڭ (اەسي) الەۋمەتتىك جانە يميدجدىك زەرتتەۋلەر باعدارلاماسىنىڭ باسشىسى سەرىك بەيسەمباەۆ جاستار ۇيىمدارى مەن ۆولونتەرلاردى مەملەكەتتىك قولداۋدى دامىتۋدىڭ ماڭىزدىلىعى تۋرالى ساراپشىلىق پىكىرىمەن ءبولىستى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
ساراپشىنىڭ پىكىرىنشە, قازاقستاندا جاستار جىلى جاريالانعاننان كەيىن ەلىمىزدەگى جاستار ساياساتىن تۇرلەندىرۋگە جاڭا مۇمكىندىكتەر اشىلىپ جاتىر. وزگەرىستەر نەگىزىنەن جۇرگىزىلىپ جاتقان جۇمىستى جۇيەلەندىرۋگە, سونداي-اق, جاستاردىڭ ءتۇرلى توپتارىنا اتاۋلى مەملەكەتتىك كومەكتى ارتتىرۋعا بايلانىستى بولماق.
«ەڭ الدىمەن, مەملەكەت جاستاردى جۇمىسپەن قامتۋ ماسەلەلەرىن شەشۋگە باعىتتالعان شارالاردى رەتتەۋگە ۇمتىلۋدا. ەلىمىزدە بىرنەشە باعدارلاما جۇمىس ىستەپ تۇر, ماسەلەن, "جاسىل ەل", "ديپلوممەن اۋىلعا" جانە ت.ب. جاستارعا جۇمىس تابۋعا كومەكتەسەتىن جاستاردىڭ رەسۋرستىق ورتالىقتارى بار. دەگەنمەن, وسىعان قاراماستان, ءبىزدىڭ زەرتتەۋلەرىمىز كورسەتكەندەي, ەڭبەكپەن قامتىلۋ قازاقستان جاستارى ءۇشىن №1 ماسەلە بولىپ قالىپ وتىر. پرەزيدەنت جاريالاعان جاڭا باستامالار مەملەكەتتىك ورگانداردىڭ نازارىن اتالعان ماسەلەگە باسا اۋدارىپ, قولدانىستاعى باعدارلامالاردىڭ تيىمدىلىگىن ودان ءارى ارتتىرۋعا شاقىرادى», — دەدى س.بەيسەمباەۆ.
بۇعان قوسا, مەملەكەت الداعى جىلدارى ءبىلىم بەرۋدىڭ قولجەتىمدىلىگىن ودان ءارى ارتتىرۋدى كوزدەپ وتىر. بۇل, اسىرەسە, اۋىلدار مەن شاعىن قالالاردىڭ جاستارى ءۇشىن اسا ماڭىزدى.
«ورتا ارنايى ءبىلىم بەرۋ جۇيەسىن دامىتۋ جاستاردىڭ وسى ساناتىنا بەيىمدەلۋ دەڭگەيىن ارتتىرۋعا كومەكتەسەدى. ارينە, مۇندا ءبىلىم بەرۋ ساپاسىنىڭ نارىق سۇرانىستارىنا ساي كەلۋى وتە ماڭىزدى», — دەدى ول.
بۇدان وزگە, ساراپشىنىڭ ايتۋىنشا, ەلىمىزدەگى جاستار ساياساتى جاستاردىڭ الەۋمەتتىك بەلسەندىلىگىن ارتتىرۋدىڭ جاڭا ءۇردىسىن قولداۋعا ۇمتىلۋدا. ماتەريالدىق ىنتالاندىرۋ ارقىلى ۆولونتەرلەردى قولداي وتىرىپ, مەملەكەت جاستاردىڭ بەلسەندىلىگىن تەك وڭ باعىتتارعا باعىتتاپ قانا قويماي, جاستار ۇيىمدارى ءۇشىن جاڭا باعىتتى دا بەلگىلەيدى.
«ۇلكەن قالالاردىڭ مىسالىنان كورىپ وتىرعانىمىزداي, قوعامدىق كەڭىستىكتەردى اباتتاندىرۋ, تۇرمىس جاعدايى تومەندەرگە كومەكتەسۋ, ەكولوگيالىق ساۋاتتىلىقتى ارتتىرۋعا جانە ت.ب. قاتىستى باستامالار كوپتەپ كوتەرىلۋدە. جاڭا بۋىنعا وسىنداي جوبالارعا قاتىسۋ ۇلكەن قىزىعۋشىلىق تۋدىرادى», — دەدى ول.
وسىلايشا, قازاقستاندا جاستار جىلىندا جاستارىمىزدىڭ وزەكتى پروبلەمالارى جوعارى دەڭگەيدە جانداندىرىلۋى ءتيىس. كوتەرىلىپ جاتقان ماسەلەلەر كەشەندى سيپاتقا يە جانە ولاردىڭ شەشىمى تابىلسا, ولار جالپى ادام كاپيتالىن ارتتىرۋعا كومەكتەسەدى. بۇل — قازاقستانداعى الەۋمەتتىك ساياساتتىڭ باستى باسىمدىعى.
ەسكە سالا كەتەيىك, پرەزيدەنت ن.نازارباەۆ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جولداۋىندا 2019 جىلدى جاستار جىلى دەپ جاريالادى. 2019 جىلى مەملەكەتتىك جاستار ساياساتىن جان-جاقتى قولداۋعا جانە ىسكە اسىرۋعا باعىتتالعان شارالار قابىلدانباق.