2018 جىلدىڭ جەلتوقسان ايىندا قازاقستاندا «مما بويىنشا قازاقستاننىڭ بىرىككەن فەدەراتسيالارىنىڭ قاۋىمداستىعى» زتب قۇرىلدى. ونىڭ قۇرامىنا قازاقستاننىڭ مما ارالاس جەكپە-جەگى فەدەراتسياسى, ارالاس جەكپە-جەك, پانكراتيون جانە گرەپلينگ ۇلتتىق فەدەراتسياسى مەن NOMAD MMA فەدەراتسياسى كىردى. ۇيىمعا قازاقستاندىق بەلگىلى سپورت ناسيحاتتاۋشى عالىمجان ەسەنوۆ جەتەكشىلىك ەتتى.
ع.ەسەنوۆ – «الماتى مارافونىنىڭ» نەگىزىن قالاۋشى, كوپتەگەن جىل بويى قازاقستان شاحمات فەدەراتسياسىن باسقارىپ كەلەدى, قازاقستانترياتلون فەدەراتسياسىنىڭ ۆيتسە-پرەزيدەنتى جانە الماتى ترياتلون فەدەراتسياسىنىڭ جەتەكشىسى.
– جاڭادان قۇرىلعان قاۋىمداستىقتىڭ باستى مىندەتى – قازاقستاندىق بارلىق مما جەكپە-جەك فەدەراتسيالارىن بىرىكتىرۋ جانە دە بىرلەسە وتىرىپ ءبىزدىڭ سپورتشىلاردى الەمدىك سپورت كوشباسشىلارىنىڭ قاتارىنا شىعارۋ, - دەپ اتاپ ءوتتى ع.ەسەنوۆ.
وسى جىلى الماتىدا اقپان ايىنىڭ 13-مەن 16-سى ارالىعىندا قازاقستاندا جاقىندا قۇرىلعان مما بىرىككەن قاۋىمداستىعىنىڭ ەگيداسىمەن ارالاس جەكپە-جەكتەن قر چەمپيوناتى (مما) وتەدى.
الداعى چەمپيوناتقا وڭىرلىك ىرىكتەۋ تۋرنيرلەرىنىڭ جەڭىپازدارى قاتىسادى. جارىس قورىتىندىسى بويىنشا جاتتىقتىرۋشىلار تايلاندتا وتەتىن ازيا چەمپيوناتىنا, قازاقستان رەسپۋبليكاسىنىڭ مما ارالاس جەكپە-جەكتەن قۇراماسىن قالىپتاستىرادى.
مما ارالاس جەكپە-جەگى 1995 جىلى قۇرىلعان سپورتتىڭ جاڭا ءتۇرى. مما – بۇل جەكپە-جەكتىڭ كەز كەلگەن قاشىقتىعىندا جانە كەز كەلگەن جاعدايىندا قولدانىلاتىن كۇرەس تەحنيكالارىنداعى ءتۇرلى تاسىلدەر مەن سوققىلاردىڭ كومبيناتسيالارى. قازاقستان رەسپۋبليكاسىندا 6 جىل بۇرىن, 2013 جىلدىڭ ماۋسىم ايىندا مما سپورتتىڭ رەسمي ءتۇرى رەتىندە تانىلدى.