مەملەكەت باسشىسى نۇرسۇلتان نازارباەۆ استانادا جاستار جىلىنىڭ رەسمي اشىلۋىندا سيرياعا كەتكەن قازاقستاندىقتاردى قۇتقارۋ وپەراتسياسى جالعاساتىنىن ايتتى.
ن.نازارباەۆ شيەلەنىس ايماعىنان ورالعانداردى بەيىمدەۋ قاجەتتىگىن ەسكە سالدى. «كىشكەنتاي بالالار ۇشاقتان تۇسكەندە انالارىنان «مىنا جەرگە بومبا تۇسپەي مە؟» دەپ سۇرايدى ەكەن دەدى ەلباسى.
سونىمەن قاتار ء«ار ادام ءوز تاعدىرىن ءوزى جاسايدى. جاقىندا سيرياداعى شيەلەنىس ايماعىنان 47 قازاقستاندىقتى الىپ كەلدىك. ولاردىڭ اراسىندا 30 بالا بار, اكەلەرى سوعىستا مەرت بولعان, انالارى قورعاۋسىز قالعان. مۇنداي قاۋىپتى ءارى ماڭىزدى وپەراتسيانى ءبىزدىڭ ارنايى قىزمەت وزگە مەملەكەتتەرمەن بىرلەسىپ جۇرگىزدى.
باسقا مەملەكەتتەر دە بۇل لاڭكەستەردىڭ كوزىن جويۋعا تىرىسىپ جاتىر. لاڭكەستەردىڭ اراسىندا قازاقستاندىقتار دا بار. جۇزدەگەن وتانداسىمىز قازا تاپتى. امان قالعاندارىن ەلگە قايتارۋدى جالعاستىرامىز» دەدى مەملەكەت باسشىسى.