بۇگىن «تاۋەلسىزدىك ۇرپاقتارى» اتتى جاستار جىلىنىڭ اشىلۋ سالتاناتىندا پرەزيدەنت جاستاردىڭ جۇمىسپەن قامتۋ ماسەلەسىنە توقتالدى.
جاستار ساياساتىنداعى نەگىزگى ماسەلە – جۇمىسپەن قامتۋ. ستاتيستيكاعا سۇيەنسەك, بۇگىندە الەم بويىنشا 18-30 جاس ارالىعىنداعى 300 ميلليون ادامنىڭ تۇراقتى جۇمىسى جوق. عالىمداردىڭ بولجاۋىنشا, 2050 جىلى بۇگىنگى تاڭداعى ماماندىقتاردىڭ 50%-ىن جاساندى ينتەللەكت الماستىرادى. بۇل ماماندىقتاردىڭ ىشىنە ساۋداگەرلەر, جۇرگىزۋشىلەر, call ورتالىقتىڭ قىزمەتكەرلەرى, زاڭگەرلەر مەن ەكونوميستەر كىرەدى. ال عالىمدار, توپ-مەنەدجەرلەرى, مادەنيەت قايراتكەرلەرى, IT سالاسىنىڭ ماماندارىن جانە جوعارى كاتەگوريالى دارىگەرلەردى جاساندى ينتەللەكت الماستىرا المايدى.
سونداي اق ۇيدەن شىقپاي جۇمىس ىستەۋدىڭ, قاشىقتان وقىتۋدىڭ ارتىقشىلىقتارىنا توقتالىپ, وتكەن عاسىرعا ءتان «جۇمىس» نەمەسە «وتباسى» اتتى ديلەممانىڭ داۋرەنى اياقتالعانىن ايتتى.