مەملەكەت باسشىسى استانادا ءوتىپ جاتقان جاستار جىلىنىڭ اشىلۋىنا ارنالعان سالتاناتتى جيىندا جاس كاسىپكەرلەردى قولداۋعا ارنالعان باعدارلاماعا 32 ملرد تەڭگە ءبولۋدى تاپسىردى.
«شاعىن نەسيە بەرۋدىڭ جانە وقىتۋ ءىسىنىڭ وڭ تاجىريبەسىندە بارلىق وڭىردە جاس كاسىپكەر باعدارلاماسىن ازىرلەۋ قاجەت. بۇل جوبا اياسىندا جىل سايىن ءبىلىم الاتىن جۇمىسسىز جاستار مەن ءوزىن-ءوزى جۇمىسپەن قامتىعانداردىڭ سانىن 100 مىڭعا دەيىن جەتكىزگەن ءجون. سوڭعى ەكى جىلدا «اتامەكەن» ۇلتتىق كاسىپكەرلەر پالاتاسى «باستاۋ» جوباسىن قولعا الدى. بۇل بويىنشا اۋىلدار مەن شاعىن قالالاردا 43 مىڭ تۇرعىن وقىپ شىقتى. مىسالى, ەلىمىزدە 7000 شاعىن اۋىل بار. مۇنداي اۋىلداردا مەكتەپتى ءبىتىرىپ, جوعارى وقۋ ورنىنا تۇسە الماي جۇرگەن ازاماتتار كوپ. وسىنداي جاستارعا كاسىپكەر باعدارلاماسىمەن ارنايى ماماندار كاسىپ تۇرلەرىن ۇسىنىپ, ولارعا باعىت-باعدار كورسەتەدى. «اتامەكەن» پالاتاسى جاس كاسىپكەرلەردى قولداۋعا ارنالعان وسى باعدارلاماسىن ارى قاراي جالعاستىرا بەرۋى كەرەك» دەدى ەلباسى.
سونداي-اق مەملەكەت باسشىسى ۇكىمەتكە «بيزنەس-2020» دەگەن جول كارتاسى باعدارلاماسى اياسىندا سول جاس كاسىپكەرلەرگە بولىنەتىن قارجى كولەمى 2 ەسەگە ارتتىرۋدى تاپسىردى.
«ۇكىمەتكە «بيزنەس-2020» جول كارتاسى اياسىندا جاس كاسىپكەرلەر ءۇشىن گرانت بويىنشا بولىنەتىن قاراجات كولەمىن ەكى ەسەگە ارتتىرۋدى تاپسىرامىن. وسى ارقىلى ءۇش جىلدا شامامەن 300 مىڭعا جۋىق جاستار بيزنەستىڭ قىر-سىرىن مەڭگەرىپ شىعادى. ولاردىڭ تورتتەن ءبىرى نەمەسە كەم دەگەندە 80 مىڭ ادام ءوز كاسىبىن باستاپ كەتەدى», دەدى ەلباسى.
ن. نازارباەۆ ۋنيۆەرسيتەتتىڭ جوعارعى كۋرستارىندا وقيتىن ستۋدەنتتەردى دە بيزنەسكە باۋلۋدى ۇسىندى.
ء«بىتىرۋشى كۋرستاردا, ۋنيۆەرسيتەتتىڭ جوعارى كۋرسىندا وقيتىن 60 مىڭعا جۋىق ستۋدەنتتى بيزنەسكە باۋلۋ قاجەت. كوپتەگەن ستۋدەنتتەر 4-5 كۋرستا بيزنەسپەن اينالىسا باستايدى. ءتۇرلى كومپانيالار ۇزدىك ستۋدەنتتەردى شاقىرا باستايدى. ۇكىمەتكە بۇل باعدارلامانى جۇزەگە اسىرۋ ءۇشىن ءۇش جىلدىڭ ىشىندە 32 ميلليارد تەڭگە ءبولۋدى تاپسىرامىن», دەدى ەلباسى.
«جاس عالىمدارعا گرانتتار مىندەتتى تۇردە بەرىلۋى كەرەك. ەگەر وسىنى جۇزەگە اسىرساق, 3 جىل ىشىندە 300 مىڭعا جۋىق جاس بيزنەستىڭ قىر-سىرىن مەڭگەرىپ شىعاتىن بولادى. كەم دەگەندە 80 مىڭ ادام, ولاردىڭ تورتتەن ءبىرى ءوز كاسىبىن باستاپ كەتەدى. جوو ءبىتىرۋشى 60 مىڭعا جۋىق ستۋدەنتتى بيزنەسكە باۋلۋ قاجەت. ۇكىمەتكە بۇل باعدارلامانى جۇزەگە اسىرۋ ءۇشىن 3 جىلدىڭ ىشىندە 32 ملرد تەڭگە ءبولۋدى تاپسىرامىن.