مەملەكەت باسشىسى نۇرسۇلتان نازارباەۆ جاستار جىلىنىڭ اشىلۋ سالتاناتىندا جاستاردىڭ ستارتاپتارىن قولداۋعا ارنالعان ارنايى قور قۇرۋدى تاپسىردى.
«دامىعان ەلدەردە جاستارعا كومەك كومەكتەسەتىن قورلار بار. ولار ورتالىق جانە جەرگىلىكتى ورگاندار - ۋنيۆەرسيتەت, جەكە قۇرىلىمدار تاراپىنان قۇرىلادى. سوندىقتان ءبىز دە ۇكىمەتپەن بىرلەسىپ, وسىنداي قوردى قۇرۋىمىز كەرەك. بىزدەگى ۇلكەن كومپانيالارمەن, وليگارحتارمەن, ۇلتتىق كومپانيالارمەن بىرلەسە وتىرىپ, جاستاردىڭ ستارتاپتارىن قولداۋعا ارنالعان ارنايى قور قۇرۋدى ۇكىمەتكە تاپسىرامىن» دەدى ەلباسى.
ەلباسى ەلىمىزدە دە ۋربانيزاتسيا پروتسەسىنىڭ قارقىندىلىعىنا قاراماستان ەلىمىزدە اۋىل جاستارىنىڭ ۇلەسى ءالى دە جوعارى ەكەنىنە توقتالدى.
«ەلىمىزدەگى اۋىل جاستارىنىڭ ۇلەسى 43 پايىزدى قۇرايدى. ولار جونىندە دە جەكە جۇمىس ىستەۋىمىز قاجەت. 2018 جىلدىڭ 11 ايى ىشىندە اۋىلدان قالاعا كوشكەن جاستار سانى 222 230 ادامعا جەتتى. سوندىقتان ۇكىمەت پەن اكىمدىكتەر ولاردىڭ ءبىلىم الۋى, جۇمىسقا ورنالاسۋى, دەمالىس جانە باسقا دا ماسەلەلەرىن جۇيەلى جۇزەگە اسىرۋعا كومەكتەسۋى قاجەت» دەدى مەملەكەت باسشىسى نۇرسۇلتان نازارباەۆ.
سونداي-اق ەلباسى «اۋىل - ەل بەسىگى» جوباسى اياسىندا ينفراقۇرىلىمدى دامىتىپ, جەرگىلىكتى جەرلەردىڭ كادرلىق الەۋەتىن كۇشەيتۋ كەرەكتىگىنە توقتالىپ ءوتتى.
«وسىعان وراي «ديپلوممەن اۋىلعا» دەگەن باعدارلاما بار. وسىنىڭ تىزىمىن كەڭەيتۋدى ۇسىنامىن. اۋىلعا كوشىپ بارعانى ءۇشىن جاستاردىڭ جاردەماقىسى بۇرىن 70 ايلىق ەسەپتىك كورسەتكىش بولسا, سونى 100 ايلىق ەسەپتىك كورسەتكىشكە دەيىن كوتەرۋ كەرەك» دەدى ءوز سوزىندە ەلباسى.