جەزقازعان قالاسى مەن ونىڭ ماڭىنداعى تالاپ جانە پريستانتسيوننىي ەلدى مەكەندەرىنىڭ تۇرعىندارى ساپالى اۋىز سۋمەن قامتاماسىز ەتىلدى. مۇنداعى سۋ تاراتۋ جۇيەلەرىن كۇردەلى جوندەۋدەن وتكىزۋ ايماقتاردى 2020 جىلعا دەيىن دامىتۋ باعدارلاماسى بويىنشا ىسكە استى.
مەتاللۋرگتەر قالاسىندا بىلتىر سۋ قۇبىرى جۇيەسىنىڭ 5 جاڭا نىسانى سالىندى. قالعان تورتەۋى كۇردەلى جوندەۋ ءوتىپ, ەكەۋى بولشەكتەندىرىلگەن بولاتىن. جوبانى ىسكە اسىرۋ ءۇشىن وبلىستىق بيۋدجەتتەن 12 ميلليون تەڭگە ءبولىندى.
تالاپ اۋىلىندا سۋدى ۇيلەرگە تارتۋ ءۇشىن ءۇش سورعى ورناتىلىپ, زاماناۋي ءمودۋلدى سورعىش ستانساسى سالىندى جانە 12 قۇدىق قازىلدى. وتكەن عاسىردىڭ 60-شى جىلدارىنان بەرى جوندەۋ كورمەگەن 15 شاقىرىم سۋ جۇيەسى جونگە كەلتىرىلدى. بۇل ماقساتتارعا وبلىستىق بيۋدجەتتەن 223 ميلليون تەڭگە جۇمسالدى.
پريستانتسيوننىي ەلدى مەكەنىندە بارلىق جەر ۇيلەر ورتالىقتاندىرىلعان سۋمەن قامتۋ جۇيەسىنە قوسىلدى.
اتالعان جوبانى ىسكە اسىرعان مەردىگەر كومپانيا اتقارعان جۇمىستارىنا ءۇش جىلدىق كەپىلدەمە بەردى.
قايرات ءابىلدا,
«ەگەمەن قازاقستان»
قاراعاندى وبلىسى