ەلباسى نۇرسۇلتان نازارباەۆتىڭ قاتىسۋىمەن جاستار جىلىنىڭ اشىلۋ سالتاناتى ءوتىپ جاتىر. ءىس-شارادا ەلىمىزدىڭ جالىندى جاستارى بار.
اشىلۋ سالتاناتىنا ونەر, عىلىم, بيزنەس, اسكەري, جۋرناليستيكا, سپورت جانە ت.ب. بارلىق سالاداعى ۇزدىكتەر جينالعان. ولاردىڭ اراسىندا شاحماتتان الەم چەمپيونى جانسايا ابدىمالىك, ميللياردتاردىڭ جۇرەگىن جاۋلاعان ديماش قۇدايبەرگەن, كينوسۇيەر كوپشىلىكتىڭ كوزايىمىنا اينالعان اسىلحان تولەپوۆ, انىمەن عانا ەمەس, كاسىپقوي بوكستا دا كوك تۋدى جەلبىرەتكەن يبراگيم ەسكەندىر جانە باسقا دا قوعام بەلسەندىلەرى, جاس دەپۋتاتتار, ء«جۇز جاڭا ەسىم» جوباسىنىڭ جەڭىمپازدارى قاتىستى. سونداي-اق بارلىق وڭىردەگى جاستار ونلاين رەجيمدە بايلانىسقا شىقتى.
راسىمدە تاۋەلسىزدىك ۇرپاقتارى ءوزىنىڭ جەتىستىكتەرىمەن جانە جوسپارلارىمەن ءبولىستى. سولاردىڭ العاشقىسى - 21 مەيرامحانا اشقان 23 جاسار راسۋل ابدۋللاەۆ «بۇل جىل – تەك جاستارعا عانا ەمەس بارلىق قازاقستاندىقتارعا بەرىلگەن مۇمكىندىك» دەيدى. جاس كاسىپكەر بولاشاقتا ماركەتينگتى دامىتۋدى ۇسىندى.
ەشكى ءسۇتى وندىرىسىمەن اينالىسىپ وتىرعان 27 جاسار تاميلا روزمەتوۆا «اۋىل – ەل بەسىگى» باعدارلاماسىنىڭ شالعايداعى جاستارعا جاسالعان جارقىن جوبا ەكەنىن ايتتى. استانادا الما اعاشتارىن وتىرعىزۋعا دايىن ەكەنىن جەتكىزدى. سونداي-اق ول المانىڭ كەزدەيسوق اۋا رايىنا ءتوزىمدى 4 سورتىن ازىرلەپ قويعانىن دا اتاپ ءوتتى.
ايدانا شوتبايقىزى,
Egemen Qazaqstan