قازاقستاندىق بوكسشى, ريو وليمپياداسىنىڭ چەمپيونى دانيار ەلەۋسىنوۆ (5-0, 3 كو) كاسىپقوي بوكستاعى كەزەكتى جەكپە-جەگىن ناۋرىز ايىندا وتكىزەدى.
وتانداسىمىزدىڭ مەنەدجەرى زيا اليەۆتىڭ ايتۋىنشا, د.ەلەۋسىنوۆ 15 ناۋرىز كۇنى اقش-تىڭ پەنسيلۆانيا شتاتىنداعى فيلادەلفيا قالاسىندا رينگكە شىعادى. ونىڭ قارسىلاسى ازىرگە بەلگىسىز. د.ەلەۋسىنوۆ جەكپە-جەككە دايىندالۋ ءۇشىن كەلەسى اپتا اقش-قا اتتانادى. بوكس كەشىنىڭ باستى جەكپە-جەگىندە يرلانديالىق كەتي تەيلور مەن برازيليالىق روۋس ۆولانتە چەمپيوندىق بەلبەۋ ءۇشىن ايقاس وتكىزەدى.
ەسكە سالا كەتەيىك, د.ەلەۋسىنوۆ سوڭعى كەزدەسۋىن 24 قاراشا كۇنى مونتە-كارلودا وتكىزىپ, نيكاراگۋالىق ماركوس موحيكانى ءۇشىنشى راۋندتا نوكاۋتپەن جەڭگەن بولاتىن.
ءالي بيتورە,
«Egemen Qazagstan»