ەلىمىزگە بەلگىلى جىراۋ الماس الماتوۆتىڭ ۇسىنىسى نەگىزىندە قىزىلوردا وبلىسىندا جىراۋلىق ونەردى دارىپتەيتىن قازاقتىڭ ءداستۇرلى ونەر اكادەمياسى اشىلادى.
بۇل يدەيانى وبلىس اكىمى قىرىمبەك كوشەرباەۆ بۇرىننان كوتەرىپ ءجۇر ەدى. ەندى دايىندىق جۇمىستارى وبلىستىق بيۋدجەت ەسەبىنەن اتقارىلىپ جاتىر.
«سىر بويىنىڭ وزىندە دە ۇلكەن ىرگەلى ءۇش مەكتەپ قالىپتاسقان. مۇندا كەشەگى جىراۋلاردىڭ ىزىمەن بارلىق داستۇرلەر ساقتالىپ كەلە جاتىر. اسىرەسە ءاربىر ماقامسازعا دەگەن تالعامپازدىق, ءاربىر ورىنداۋشىنىڭ شەبەرلىگىن ارتتىرۋ, ءوزىنىڭ بولمىسىن قالىپتاستىرۋ دەگەن سياقتى ماسەلەلەر باسا نازار اۋدارىلادى», - دەدى جىراۋ سەرىك جاقسىعۇلوۆ.
اكادەميانىڭ ماتەريالدىق-تەحنيكالىق بازاسى جانە ونىڭ الەۋمەتتىك جەڭىلدىكتەرى جەرگىلىكتى بيۋدجەتىنەن شەشىلەدى دەپ جوسپارلانىپ وتىر.
باقتيار تايجان,
«ەگەمەن قازاقستان»
قىزىلوردا وبلىسى