جاڭاقورعاندىق كاسىپكەر قاسىم ءابجاپپاروۆ جۇگەرىدەن سۋسىن شىعارۋدى قولعا الدى.
جۇگەرىدەن سۋسىن دايىنداۋ قازاق ءۇشىن جاڭالىق بولماعانىمەن, تۇتىنۋشىلارعا تالاپقا ساي دايىنداۋ كوپ جۇمىستى تالاپ ەتەدى. جانە ول ءونىمنىڭ سەرتيفيكاتى بولۋى كەرەك.
قاسىم ءابجاپپاروۆ دىتتەگەن ماقساتىنا جەتىپ, ءتۇرلى جوبالارعا قاتىسۋ ارقىلى مەملەكەتتەن قايتارىمسىز ءۇش ميلليون تەڭگە الدى.
«جۇگەرى - ا, ۆ, س, ە دارۋمەندەرىنە باي. وندا ادام دەنساۋلىعىن نىعايتاتىن كالي, ماگني سياقتى ەلەمەنتتەر بار. سوندىقتان دا پايدالى», - دەيدى كاسىپكەر.
جاڭاقورعاندىق كاسىپكەر ءوز ونىمىنە قازاق تاعامتانۋ اكادەمياسىنان وڭ ناتيجە العان. وسىعان قاناعاتتانعان ول بولاشاقتا قاربىز, قاۋىننان دا سۋسىن شىعارماق.
باقتيار تايجان,
«ەگەمەن قازاقستان»
قىزىلوردا وبلىسى