وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا وبلىستىق دەنساۋلىق ساقتاۋ باسقارماسىنىڭ باسشىسى اقمارال ءالنازاروۆا حابارلادى.
2016 جىلدان باستاپ وبلىس اكىمىنىڭ گرانتى نەگىزىندە 42 رەزيدەنت ەلىمىزدىڭ 5 جوعارى وقۋ ورىندارىندا دايارلانعان ەكەن. بيىل ولار وقۋلارىن ءبىتىرىپ كەلمەكشى.
- 2019 جىلى -16 دارىگەر, 2020 جىلى – 15 دارىگەر, 2021 جىلى – 10 دارىگەر, 2022 جىلى – 1 دارىگەر رەزيدەنتۋرانى ءبىتىرىپ وڭىرىمىزگە كەلەدى دەپ كۇتىلۋدە. ودان بولەك, اعىمداعى جىلى جەرگىلىكتى بيۋدجەتتەن 30 جالپى تاجىريبەلىك دارىگەرلەردى دايارلاۋعا وبلىس اكىمىنىڭ ارنايى گرانتى ءبولىنىپ, ايماقتىق سالانى دارىگەرلەرمەن قامتۋعا مۇمكىندىك جاسالىپ وتىر. سونىمەن قاتار, ەلىمىزدەگى جەتەكشى, ىرگەلەس ورنالاسقان جوعارى مەديتسينالىق وقۋ ورىندارىمەن: مارات وسپانوۆ اتىنداعى باتىس قازاقستان مەملەكەتتىك مەديتسينا ۋنيۆەرسيتەتىمەن, قازاق ۇلتتىق مەديتسينا مەن قازاق مەديتسينالىق ۇزدىكسىز ءبىلىم بەرۋ ۋنيۆەرسيتتەرىمەن ەكىجاقتى مەموراندۋمعا قول قويىلىپ, مامانداردى دايارلاۋ, ولاردىڭ بىلىكتىلىكتەرىن كوتەرۋ ماقساتىندا جوسپارلى جۇمىستار جۇزەگە اسىرىلۋدا, - دەدى ول.
وتكەن جىلى دارىگەر مامانداردىڭ بىلىكتىلىگىن ارتتىرۋ ءۇشىن جەرگىلىكتى بيۋدجەتتەن 128 041,0 مىڭ تەڭگە قاراجات ءبولىنىپ, 767 مامان ءبىلىمىن جەتىلدىرسە, 720 دارىگەر – شەبەرلىك سىنىپتارىندا بىلىكتىلىكتەرىن ارتتىرعان. مامانداردىڭ كاسىبي بىلىكتىلىگىن ارتتىرۋعا, ونىڭ ىشىندە ولاردىڭ شەبەرلىكتەرىن جاقىن جانە الىس شەتەلدە شىڭداۋعا زور كوڭىل بولىنۋدە. اعىمداعى جىلدا جەرگىلىكتى بيۋدجەت قاراجاتى ەسەبىنەن كورەيا مەملەكەتىندە 7 مامان بىلىكتىلىكتەرىن ارتتىرسا, قازان قالاسىندا (تاتارستان رەسپۋبليكاسى, رەسەي) 157 مامان بىلىمدەرىن كوتەردى.
باقتيار تايجان,
«ەگەمەن قازاقستان»
قىزىلوردا وبلىسى