وبلىستىق ءدىن ىستەرى باسقارماسىنىڭ ءدىني بىرلەستىكتەرمەن بايلانىس جانە مەملەكەتتىك قىزمەت كورسەتۋ جونىندەگى ءبولىمنىڭ باسشىسى ايتقۇرمان تۇرعانباەۆ وسكەمەندەگى دوستىق ءۇيى - قوعامدىق كەلىسىم ورتالىعىندا وتكەن شىعىس قازاقستان وبلىسىنىڭ ءدىني بىرلەستىكتەر باسشىلارى كلۋبىنىڭ وتىرىسىندا وسىلاي دەدى.ونىڭ ايتۋىنشا, ءدىن سالاسىنداعى اكىمشىلىك قۇقىق بۇزۋشىلىقتار نەگىزىنەن وسكەمەن مەن سەمەي قالالارىندا ورىن الادى ەكەن. ء«بىزدىڭ وبلىسىمىزدا ءجيى كەزدەسەتىن قۇقىق بۇزۋشىلىقتاردىڭ تۇرلەرى: ءدىني ادەبيەتتى جانە ءدىني ماقساتتاعى باسقا دا زاتتاردى تاراتۋ, ءدىني جورالعىلاردى عيبادات ۇيلەرىنەن تىس جەرلەردە وتكىزۋ. ءدىن سالاسىنداعى اكىمشىلىك قۇقىق بۇزۋشىلىقتاردى الدىن الۋ جۇمىستارى جۇيەلى تۇردە جۇرگىزىلەدى. وسىنداي جۇمىستاردىڭ ناتيجەسىندە ءدىن سالاسىنداعى قۇقىق بۇزۋشىلىقتار سانى 2018 جىلى (13 قۇقىق بۇزۋشىلىق)2017 جىلمەن سالىستىرعاندا 3 ەسەگە (41 قۇقىق بۇزۋشىلىق)ازايدى», - دەيدى ول.
جيىنعا قاتىسقان شىعىس قازاقستان وبلىستىق ءدىن ىستەرى باسقارماسىنىڭ باسشىسى انۋار ابدۋلدين كلۋب مۇشەلەرىن 2019 جىلدىڭ جاستار جىلى بولىپ جاريالانۋىنا بايلانىستى وسى جىلى جاستارىمىز دەسترۋكتيۆتى ەلەمەنتى بار ءدىني اعىمداردىڭ جەتەگىندە كەتپەۋى ءۇشىن بىرلەسە جۇمىس ىستەۋگە شاقىردى.
ازامات قاسىم,
«ەگەمەن قازاقستان»
وسكەمەن