2018 جىلدىڭ 11 ايىندا ۇلىبريتانيامەن ەكى جاقتى ساۋدانىڭ كولەمى 1,1 ملرد. اقش دوللارىن قۇرادى, ونىڭ ىشىندە قازاقستاننان ەكسپورت 0,7 ملرد. دوللارعا, ال ۇلىبريتانيادان يمپورت 0,4 ملرد. دوللارعا جەتتى.
2005-2018 جىلدار كەزەڭىندە ۇلىبريتانيانىڭ قازاقستان ەكونوميكاسىنا تىكەلەي شەتەلدىك ينۆەستيتسيالاردىڭ جالپى اعىنى 12,8 اقش ملرد. دوللارىن قۇرادى.
ۇلىبريتانيا قازاقستانداعى ۇزدىك 5 شەتەلدىك ينۆەستورلاردىڭ تىزىمىنە كىرۋدە. نەگىزگى ينۆەستيتسيالىق سالالار قاتارىندا مۇناي-گاز, ءتۇستى مەتاللۋرگيا, ماشينا جاساۋ, اۋىل شارۋاشىلىعى, جاڭارتىلاتىن ەنەرگيا كوزدەرى.
قازاقستاندا بريتاندىق كاپيتالى بار 670 كومپانيا جۇمىس ىستەيدى. سوڭعى جىلدارى Ernst & Young, Rolls Royce, Rio Tinto, BAE Systems, AstraZeneca, GlaxoSmithKline, PwC, KPMG, Wood Group, ۋيليام حەير, WorleyParsons, Petrofac, Baker & McKenzie, Norton Rose Fulbright, White & Case, Reed Smith, Michael Wilson & Partners, Dentons, Dechert, Morgan Lewis قازاقستاندا تابىستى جۇمىس اتقارۋدا.