تەمىرجول كولىگىنىڭ سەنىمدىلىگىن ارتتىرۋعا باعىتتالعان لوكوموتيۆتەردى جوندەۋ باعدارلاماسى 2018 جىلى تولىق ورىندالدى.
2018 جىلى ءار ءتۇرلى مانەۆرلىك پەن ماگيسترالدىق لوكوموتيۆتەرگە 9,5 مىڭنان استام جوسپارلى تەحنيكالىق قىزمەت كورسەتۋ جانە جوندەۋ جۇرگىزىلدى. سونىڭ ىشىندە ۆل-80 ي چمە سەريالى 46 لوكوموتيۆتىڭ پايدالانۋ مەرزىمىن ۇزارتۋ ءۇشىن كۇردەلى جوندەۋ ورىن الدى.
لوكوموتيۆتەردىڭ تەحنيكالىق جاعدايىن جاقسارتۋ ءىس-شارالارى جوسپارىن ورىنداۋ شەڭبەرىندە جوندەۋدىڭ ساپاسى بويىنشا ءاۋديتتى تۇراقتى نەگىزدە جۇرگىزۋ قولعا الىنعان. لوكوموتيۆتەرگە تەحنيكالىق قىزمەت كورسەتۋ پۋنكتەرى (لتقپ) مەن سەرۆيس ورتالىقتارىنا جانە ولاردى سلەسارلىق قۇرال-جابدىقتارمەن, ولشەۋ قۇرالدارى مەن وزگە دە قۇرال-جابدىقتارمەن قامتاماسىز ەتۋگە مونيتورينگ جۇرگىزىلىپ كەلەدى.
سەرۆيستىك ورتالىقتار, لتقپ قىزمەتكەرلەرى, سونداي-اق لوكوموتيۆ بريگادالارى لوكوموتيۆ توراپتارى اقاۋلارىن جويۋ جانە قىزمەت كورسەتۋ بويىنشا وقىتىلادى.
لوكوموتيۆ بريگادالارى جولعا شىعار الدىندا جانە تەمىرجول ستانتسيالارىنا توقتاعاندا لوكوموتيۆتەردى تەكسەرىپ, بەكىتكىشتەردى, جاۋاپتى اگرەگاتتاردى, ولاردىڭ تورابى مەن بولشەكتەرىنىڭ جاعدايىن باعالايدى. تەجەگىش قۇرال-جابدىقتارى, اۆتوماتتى قوسىلۋعا ارنالعان قۇرىلعىلاردى, جىلدامدىقولشەگىشتەردى, اۆتوماتتى لوكوموتيۆتىك دابىلداردى, قوس دوڭگەلەكتى تەكسەرۋ جۇرگىزىلەدى.