ءورت سوندىرۋگە 5 تەحنيكا بىرلىگى مەن 19 قىزمەتكەر جۇمىلدىرىلدى. بۇل تۋرالى استانا قالاسى اكىمدىگىنىڭ رەسمي سايتى حابارلادى.
وتقا ورانعان ۇيلەردىڭ بىرى كۇيشى دينا كوشەسىندە ورنالاسقان.
«17 قاڭتاردا ساعات 22:16-دا ءورت ءسوندىرۋ قىزمەتىنىڭ ورتالىق «101» بايلانىس پۋنكتىنە كۇيشى دينا كوشەسىندەگى ۇيلەردىڭ بىرىندە ءورتتىڭ شىققانى تۋرالى حابارلاما كەلىپ ءتۇستى. 5 مينۋتتان كەيىن وقيعا ورنىنا جەتكەن ءورت ءسوندىرۋ قىزمەتى بولىمشەلەرىنىڭ قىزمەتكەرلەرى 5 قاباتتى تۇرعىن ۇيدە اس ءۇي جيھازى, تۇرمىستىق تەحنيكا جانە توبەنى ارلەۋ بولشەكتەرىنىڭ جانىپ جاتقاندىعىن انىقتادى», - دەپ مالىمدەدى استانا قالاسى تجد ءباسپاسوز قىزمەتى.
كىرە بەرىس قاتتى تۇتىندەگەندىكتەن ادامداردى قاۋىپسىز جەرگە كوشىرۋ جانە بارلاۋ جۇمىستارىن جۇرگىزۋ ءۇشىن گاز-تۇتىننەن قورعاۋ قىزمەتىنىڭ بۋىنى ۇيىمداستىرىلدى.
جانىپ جاتقان پاتەردەن جانە كورشى پاتەرلەردەن ەرەسەكتەر مەن بالالاردى سىرتقا شىعارۋ شارالارى جۇرگىزىلدى. ءورت ءسوندىرۋ كەزىندە 6 ادام قۇتقارىلدى. قۇتقارىلعانداردىڭ ەكەۋى – بالا. ءورت ساعات 12:38-دە اۋىزدىقتالىپ, ساعات 22:41-دە تولىقتاي ءوشىرىلدى.
تۇنشىقتىرعىش گازدان ۋلانعان 46 جاسار ەر ادام №1 قالالىق اۋرۋحاناعا جاتقىزىلدى. استانا قالاسى تجد حابارلاۋىنشا, ءورت تۇرمىستىق قۇرالدارداعى ەلەكتر سىمدارىنىڭ قىسقا تۇيىقتالۋى سالدارىنان شىققان. ءورتتى سوندىرۋگە بارلىعى 5 تەحنيكا بىرلىگى مەن 19 قىزمەتكەر جۇمىلدىرىلدى.