ءوڭىر باسشىسى قۇمار اقساقالوۆتىڭ توراعالىعىمەن وتكەن وبلىستىق اكىمدىكتىڭ وتىرىسىندا «قازاقستاندىقتاردىڭ əل-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جولداۋىنان تۋىندايتىن مىندەتتەر اياسىندا الەۋمەتتىك ماڭىزى بار ازىق-ت ۇلىك تاۋارلارىنىڭ تۇتىنۋشىلىق باعالارىن ىرىقتاندىرۋ اڭگىمە ارقاۋىنا اينالدى.
كاسىپكەرلىك جانە تۋريزم باسقارماسىنىڭ باسشىسى قۇرالاي جاروۆا الەۋمەتتىك ماڭىزى بار ازىق-ت ۇلىك تاۋارلارىنىڭ تۇتىنۋشىلىق باعالارىنىڭ يندەكسى 100,2 پايىزدى قۇرايتىنىن جەتكىزدى. كوكونىس ونىمدەرىنە باعانى تۇراقتاندىرۋ ءۇشىن قورعا 500 توننا كارتوپ, ارقايسىسى 100 توننادان ءسابىز, ورامجاپىراق, پياز ساتىپ الىنعان. قازىر ولار ارزان باعامەن بوساتىلۋدا. تۇراقتاندىرۋ قورىنداعى 25 مىڭ ليتر وسىمدىك مايى نارىقتىق باعادان 25 پايىزعا ارزان ساۋدالانۋدا. سول سياقتى قانت, كۇرىش, قاراقۇمىق, جۇمىرتقا دا ارزان باعامەن ساۋدا ورىندارىنا جەتكىزىلۋدە. قولجەتىمدى ساۋدا نۇكتەلەرىن بارلىق اۋدان ورتالىقتارىندا اشۋ كوزدەلگەن.
ق. اقساقالوۆ اۋدان اكىمدەرىنە بىرقاتار تاپسىرمالار جۇكتەدى.
«تۇراقتاندىرۋ قورىنداعى كۇرىشتىڭ ءبىر كەلىسى 213 تەڭگە تۇرادى. كاسىپكەرلەر وعان 10 پايىز عانا ۇستەمە قوسۋىنا بولادى. الايدا, جۇرگىزىلگەن مونيتورينگكە قاراعاندا, كۇرىش اققايىڭ اۋدانىندا 280 تەڭگەدەن ساۋدالانۋدا. سول سياقتى مامليۋت اۋدانىندا قانت, شال اقىن اۋدانىندا وسىمدىك مايى قىمباتتاعان. بۇل اكىمدىكتەر تاراپىنان باعانى ىرىقتاندىرۋعا ءتيىستى باقىلاۋدىڭ جوقتىعىن كورسەتەدى», دەي كەلىپ, قۇمار ىرگەباي ۇلى اكىمدىكتىڭ اپپاراتىنىڭ باسشىسىنا ءار اۋدان بويىنشا ازىق-ت ۇلىك ونىمدەرىنىڭ باعاسىنا مونيتورينگ جۇرگىزۋدى, كىنالى تۇلعالارعا جازا قولدانۋدى مىندەتتەدى. باعانى ىرىقتاندىرۋ ماسەلەسىنە جۇرتشىلىق وكىلدەرىن, دەپۋتاتتاردى, «نۇر وتان» پارتياسىنىڭ مۇشەلەرىن تارتۋ قاجەتتىگى اتاپ كورسەتىلدى.
بيىل وبلىس ورتالىعىندا زاماناۋي قويما كەشەنى پايدالانۋعا بەرىلدى. بۇرىن قويما بولماعاندىقتان, كوكونىس ناۋرىزدان باستاپ قىمباتتايتىن. ەندى ونىڭ قورى شىلدە ايىنا دەيىن جەتەدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى