وقۋ جىلىنىڭ باستالىسىمەن بارلىق ساناتتاعى اسكەري قىزمەتشىلەرمەن جەكە قۇرامنىڭ اتقارىپ وتىرعان لاۋازىمى كولەمىندە فۋنكتسيونالدىق مىندەتتەرىن, شتاتتىق قارۋ-جاراق پەن اسكەري تەحنيكانىڭ ماتەريالدىق بولىگىن, ولاردى پايدالانۋ ءتارتىبىن زەردەلەۋدى قامتيتىن ماماندىق بويىنشا دايىندىق جۇرگىزىلۋدە.
«باتىس» وڭىرلىك قولباسشىلىعىنىڭ اسكەري بولىمدەرىندە ماماندىق بويىنشا دايىندىق بولىمشە كومانديرلەرى مەن سەرجانتتارىنىڭ باسشىلىق ەتۋىمەن جۇرگىزىلۋدە. ساباقتاردى ساپالى وتكىزۋ ءۇشىن ءاربىر اسكەري ماماندىق بويىنشا وقۋ توپتارى قۇرىلدى جانە اناعۇرلىم دايىندالعان اسكەري قىزمەتشىلەر سانىنان نۇسقاۋشىلار انىقتالدى.
- ماماندىق بويىنشا دايارلىقتىڭ باستى ماقساتى – جەكە قۇرامعا ءوزىنىڭ لاۋازىمدىق مىندەتتەرىنە ءتيىستى ءبىلىمدى بەرۋ, شتاتتىق قارۋ-جاراعى مەن اسكەري تەحنيكاسىن وقۋ جانە اتىس قارۋىن قالىپتى ۇرىس جاعدايىنا كەلتىرۋدى ۇيرەنۋ بولىپ تابىلادى. بۇگىنگى كۇنى جالپى سانى 2500-دەن اسا جاۋىنگەرلەر 209 وقۋ توپتارى بويىنشا, 400-دەن اسا تاجىريبەلى سەرجانتتاردىڭ جەتەكشىلىگىمەن ءتالىم الىپ جاتىر, دەيدى وڭىرلىك قولباسشىلىقتىڭ اسكەرلەرى قولباسشىسىنىڭ ءبىرىنشى ورىنباسارى – شتاب باستىعى پولكوۆنيك نۇرلان الدياروۆ.
ساباقتار بارىسىندا جەكە قۇرامنىڭ قارۋ مەن جاۋىنگەرلىك تەحنيكانى ءىس جۇزىندە قولدانۋىنا, شتاتتىق بايلانىس قۇرالدارىندا جۇمىس جاساي بىلۋلەرى مەن العاشقى مەديتسينالىق كومەك كورسەتۋگە كوڭىل بولىنەتىن بولادى.
ماماندىق بويىنشا دايىندىق اياقتالعان سوڭ وقۋ ماتەريالدى مەڭگەرۋ دەڭگەيلەرىن انىقتاۋ ءۇشىن وقىپ-ۇيرەنۋشى اسكەري قىزمەتشىلەرمەن نەگىزگى وقىتۋ پاندەرى بويىنشا باقىلاۋ ساباقتارى وتكىزىلەدى. ماماندىق بويىنشا بارلىق ساناتتاعى اسكەري قىزمەتشىلەردى دايارلاۋ 2019 جىلدىڭ 4 قاڭتارىندا اياقتالادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى