سپورت جۋرناليستيكاسىنىڭ جاي-كۇيى تالقىلاندى

ەلىمىزگە بەلگىلى سپورت جۋر­­­­ناليستەرى قاتىسقان ال­قالى جيىندا سپورت سالاسىن­دا قالام تەربەپ جۇرگەن تىل­شىلەردىڭ بىلىكتىلىگى جانە ونى جەتىلدىرۋدىڭ تەتىكتەرى ءسوز بولدى. ماسەلەن, ەلىمىزگە تا­نىمال سپورت ءجۋرناليسى قىدىربەك رىسبەك قازىرگى جۋر­ناليستەردىڭ جانە سپورت كوممەنتاتورلارىنىڭ ءتىل تا­زالىعىن ساقتامايتىنىن, سپورت تەرميندەرىن دۇرىس قول­دا­نىلماي جۇرگەنىن تىلگە تيەك ەتتى. ال «ەگەمەن قازاقستان» گا­زە­تىنىڭ شولۋشىسى بەكەن قاي­­رات ۇلى ۇلتتىق سپورت تۇر­لەرىن جاي سپورت رەتىندە ەمەس, جاۋىنگەرلىك ونەر رەتىندە قا­راستىرۋ كەرەك ەكەنىن ايتتى. «قازاقستان بارىسى» قازاق كۇرەسىن دامىتۋ قورىنىڭ ءباس­پاسوز حاتشىسى نازەركە سۇلتانبەك PR, ياعني سپورتتىق جارىستاردى قالاي ناسيحاتتاۋ كەرەكتىگىن, ەلىمىزدەگى ءىرى-ءىرى سپورتتىق جارىستاردى جارنامالاۋ بارىسىنا كەڭىنەن توقتالىپ, ءوز ويىن ورتاعا سالدى. 

وسى رەتتە «قازاق سپورتى»­ گازەتىنىڭ باس رەداكتورى, ەۇۋ جۋرناليستيكا جانە ساياساتتانۋ فاكۋلتەتىنىڭ وقىتۋشىسى ءدۇ­رالى دۇيسەباي بولاشاق سپورت جۋرناليستەرىن دايارلاۋ­ بارىسى جونىندە اڭگىمە قوز­عادى. «جالپى, ەۇۋ سپورت جۋرناليستەرىن ساپالى دا­يار­­­لاۋعا ۇمتىلىپ جاتىر. «كوم­مەنتاتور شەبەرلىگى», «سپورت شولۋشىسى», «سپورت جۋرناليستيكاسىنا كىرىسپە» دەگەن پاندەردى وقىدىق. قازىر سودان ءتالىم العاندار وسى سالانى جازىپ ءجۇر. جەكە سالالىق جۋرناليستيكا رەتىندە ماماندار دايارلاۋ – الداعى كۇننىڭ ەنشىسىندە».

سونىمەن قاتار عىلىمي-تاجىريبەلىك كونفەرەنتسياعا ۇلتتىق وليمپيادا كوميتەتى سپورت ديرەكتسياسىنىڭ ديرەكتورى ەلسيار قاناعاتوۆ, سپورت جانە دەنە شىنىقتىرۋ ىستەرى كوميتەتىنىڭ ءباسپاسوز حاتشىسى راۋحان توعىمباەۆا, «قازسپورت» تەلەارناسىنىڭ ديرەكتورى پاۆەل تسىبۋلين, سپورت جۋرناليستەرى نۇرعازى ساساەۆ, دينا تۇرارقىزى, «قازسپورت» تەلەارناسىنىڭ پروديۋسسەرى اسحات ساعىناەۆ, «قازسپورت» تەلەارناسىنىڭ ءتىلشىسى ەرمەك تورەنياز جانە ەلىمىزدىڭ وزگە دە وڭىرىنەن كەلگەن جۋرناليستەر قاتىسىپ, وزدەرىنىڭ پىكىرلەرىن, ۇسىنىس-تىلەكتەرىن ءبىلدىردى.

ماديار قۇديار ۇلى