«استانا» فۋتبول كلۋبى ەۋروپا ليگاسى توپتىق كەزەڭىندەگى سوڭعى تۋردا فرانتسيانىڭ «رەنن» كومانداسىنان جەڭىلىپ (2:0), پلەي-وففقا شىعا المادى. ەلوردا كومانداسى 8 ۇپايمەن ءۇشىنشى ورىندا قالىپ قويدى.
چەمپيوندار ليگاسىنىڭ ىرىكتەۋ كەزەڭىنەن باستاپ, ەۋروپا ليگاسىنىڭ توپتىق كەزەڭىنە دەيىن جەتكەن «استانا» كومانداسى بيىلعى ماۋسىمدا 5 ميلليون 540 مىڭ ەۋرو تابىس تاپتى. بۇل تۇپكىلىكتى سوما ەمەس. ءتۋرنيردىڭ ءاربىر قاتىسۋشىسى رەيتينگ بويىنشا تاعى قوسىمشا اقشا الادى (سوڭعى 10 جىلداعى ناتيجەلەرى ەسەپكە الىنادى). ودان بولەك, ماركەتينگىلىك تابىس بار (تۆ-قۇقىعىن ساتۋ).
ءالي بيتورە,
«ەگەمەن قازاقستان»