«استانا» كلۋبىنىڭ قورعاۋشىسى, امەريكالىق باسكەتبولشى ەنتوني كلەممونس قازاقستان ازاماتتىعىن الدى. ول باسكەتبولدەن قازاقستان ەرلەر قۇراماسىنىڭ نامىسىن قورعاماق دەپ جازادى Olympic.kz.
2018 جىلدىڭ 13 جەلتوقسانى كۇنى قر ۇبف پرەزيدەنتى ديماش دوسانوۆ ۇلتتىق قۇرامىنىڭ جاڭا ويىنشىسىنا قازاقستان پاسپورتىن تابىس ەتتى.
ويىنشىنى ۇلتتىق قۇراماعا قابىلداۋ تۋرالى شەشىمدى ۇبف باسشىلىعى 2019 جىلعى الەم چەمپيوناتىنا ىرىكتەۋ كەزەڭىنىڭ شەشۋشى اينالىمى الدىندا قابىلدادى.
الدا اۆستراليا قۇراماسىمەن وتەتىن كەزدەسۋ ءبىزدىڭ كوماندا ءۇشىن اسا جاۋاپتى بولماق. مۇنداي ماتچتاردا كلەممونستىڭ شەبەرلىگى ۇلكەن كومەك بولارى ءسوزسىز.
ەنتوني قازاقستان ساپىنداعى العاشقى جاتتىعۋىن 2019 جىلدىڭ اقپانىندا وتكىزەدى دەپ كۇتىلۋدە.