قىزىلوردا قالاسىنداعى حيميا-بيولوگيالىق باعىتتاعى نازارباەۆ زياتكەرلىك مەكتەبىندە قىزىلوردا وبلىسى اكىمىنىڭ ورىنباسارى رۋسلان رۇستەموۆتىڭ توراعالىعىمەن قامقورشىلىق كەڭەستىڭ كەزەكتى وتىرىسى ءوتتى.
بيىلعى وقۋ جىلىنداعى قامقورشىلىق كەڭەستىڭ العاشقى وتىرىسىندا قامقورشىلىق كەڭەستىڭ قۇرامى مەن جوسپارى بەكىتىلدى. قىزىلوردا قالاسىنداعى نازارباەۆ زياتكەرلىك مەكتەبى ديرەكتورى باقىت جۇماتايدىڭ 2017-2018 وقۋ جىلى بويىنشا ەسەبى تىڭدالدى. مەكتەپ 2018 جىلى xالىقارالىق اككرەديتاتسيادان ءساتتى ءوتىپ, 100-گە جۋىق مەكتەپ وقۋشىلارى xالىقارالىق, رەسپۋبليكالىق,ايماقتىق پاندىك وليمپيادالاردىڭ جەڭىمپازدارىن دايىندادى. مەكتەپتەن تۇلەپ ۇشقان 382 تۇلەكتىڭ 35-ءى نازارباەۆ ۋنيۆەرسيتەتىنىڭ ستۋدەنتتەرى, تاعى 29 شاكىرتى الەمدەگى 8 مەملەكەتتىڭ ءبىلىم گرانتتارىن يەلەنىپ, بەدەلدى وقۋ ورىندارىندا جوعارى ءبىلىم الىپ جاتىر. مەكتەپ ديرەكتورى ۇلىبريتانيانىڭ ۇلتتىق ورتالىعى نازارباەۆ زياتكەرلىك مەكتەپتەرىنىڭ NIS-Programme ءبىلىم باعدارلاماسىنىڭ General Certificate of Education A-Level دەڭگەيىنە سايكەستىگىن راستاعاندىعى تۋرالى ايتتى. بۇل تۇلەكتەردىڭ قازاقستاندىق 10 بەدەلدى جوعارى وقۋ ورنىنا 2 كۋرستان, ال كەمبريدج جانە گەرمانياداعى ۋنيۆەرسيتەتتەرگە ۋنيۆەرسيتەتالدى دايىندىق كۋرسىنا قاتىسپاي-اق وقۋعا قابىلدانۋىنا كومەك بەرەدى.
باياندامادان سوڭ مەكتەپتىڭ قىزمەتىن جاقسارتۋعا باعىتتالعان اعىمداعى ماسەلەلەر قارالىپ, قامقورشىلىق كەڭەس مۇشەلەرىنىڭ زياتكەرلىك الەۋەتتى قالىپتاستىرۋدا وزگە دە ۇسىنىستارى مەن پىكىرلەرى تىڭدالدى.
باقتيار تايجان,
«ەگەمەن قازاقستان»
قىزىلوردا وبلىسى