تاۋەلسىزدىك كۇنى مەرەكەسى قارساڭىندا ەلباسى كىتاپحاناسىنىڭ مۋزەيى عيماراتىندا ەل پرەزيدەنتى نۇرسۇلتان ءابىش ۇلىنا شەت مەملەكەتتەر مەن ۇكىمەت باسشىلارى, شەتەل دەلەگاتسيالارى, ەل تۇرعىندارى تارتۋ ەتكەن سىيلىقتاردان تۇراتىن ارنايى ەكسپوزيتسيا زالى اشىلدى.
مۋزىكا اسپاپتارىنىڭ كوللەكتسياسىنا قاراپايىم اسپاپتاردان باستاپ, قۇرىلىمى مەن ورىنداۋ مۇمكىندىگى بويىنشا اسا كۇردەلى بولاتىن 35 جادىگەر قويىلعان. جالپى, «الەم حالىقتارىنىڭ مۋزىكا اسپاپتارى» تۇراقتى كورمەسىن قۇرۋ يدەياسى ەكسپو-2017 حالىقارالىق كورمەسى كەزىندە مۋزەيگە كەلگەن قوناقتاردىڭ قىزىعۋشىلىعىنان تۋىنداعان. ال «قازاقستاننىڭ سپورتتىق داڭقى» ەكسپوزيتسياسى ۇلتتىق وليمپيادا كوميتەتىنىڭ ىنتىماقتاستىق جونىندەگى مەموراندۋمى اياسىندا ۇيىمداستىرىلاتىن ءىس-شارالار قاتارىن جالعاستىرادى. كەزەكتى ءبىر مارتەبەلى جەڭىستەن سوڭ «جەڭىسىمدى ەلباسىنا ارنايمىن» دەپ جاتاتىن داڭقتى سپورتشىلاردىڭ تارتۋ ەتكەن سىيلىقتارى, ماسەلەن, ۆ.جيروۆ پەن م.مازىمباەۆتىڭ بەلبەۋىن, ا.ۆينوكۋروۆتىڭ ۆەلوسيپەدى مەن كيىمىن دە وسى قاتاردان كورە الاسىز.
جيىنعا بوكستان حالىقارالىق دارەجەدەگى سپورت شەبەرى, بوكسشى مەرەي اقشالوۆ, مەملەكەتتىك كۇزەت قىزمەتى پرەزيدەنت وركەسترىنىڭ ءان جانە ەسترادا ءانسامبلى باسشىسى, مايور مارال ساحمەتوۆا قاتىسىپ, مەرەكەلىك كەشتىڭ شىرايىن كىرگىزدى.
ايا ءومىرتاي,
«ەگەمەن قازاقستان»