قاراعاندى وبلىسىنىڭ «جىل مۇعالىمى» بەلگىلى بولدى

بايقاۋ قورىتىندىسىندا گران-پري جۇلدەسى مەن 350 000 تەڭگە سىيلىققا اقتوعاي اۋدانىنىڭ ءا. بوكەيحانوۆ اتىنداعى ورتا مەكتەبىنىڭ باستاۋىش سىنىپ مۇعالىمى پەريزات جەكسەنباەۆا يە بولدى.

ءبىرىنشى ورىن جانە 200 000 تەڭگە ء«بىلىم-يننوۆاتسيا №1» ليتسەي-ينتەرناتىنىڭ فيزيكا ءپانى مۇعالىمى جاقسىلىق اقانعا بۇيىردى.

ەكىنشى ورىن جانە 150 000 تەڭگە  اباي اۋدانىنىڭ ا. قۇنانباەۆ اتىنداعى №5 مەكتەپ-گمنازياسىنىڭ قازاق ءتىلى جانە ادەبيەتى ءپانىنىڭ مۇعالىمى گۇلشات اعايداروۆاعا بەرىلسە, 3-ورىن جانە 100 000 تەڭگەنىڭ سەرتيفيكاتى شاحتينسك قالاسىنداعى №3 ورتا مەكتەپتىڭ ورىس ءتىلى جانە ادەبيەتى ءپانىنىڭ مۇعالىمى ليۋدميلا تسەيگە تاپسىرىلدى.

– «جىل مۇعالىمى» وبلىستىق بايقاۋى ءۇش كەزەڭنەن تۇرادى. ءبىرىنشىسى اۋدانداردا جانە قالالاردا وتەدى. ەكىنشى كەزەڭدە ۇمىتكەرلەر اشىق ساباقتار وتكىزەدى. ءۇشىنشى كەزەڭ – ول اقتىق سايىس, مۇندا وبلىستىڭ پەداگوگتارى جينالادى. مۇنداي بايقاۋلار مۇعالىمدەرگە وزدەرىن تەكسەرۋگە, كاسىبي تۇرعىدا ءوسۋىن بايقاۋعا, تاجىريبە الۋعا مۇمكىندىك بەرەدى, – دەدى قازىلار القاسىنىڭ مۇشەسى ءماۋليدا جوشينا.

قايرات ءابىلدا,

«ەگەمەن قازاقستان»

قاراعاندى