بىرىككەن اراب امىرلىكتەرىنىڭ ءال-اين قالاسىندا نىسانا كوزدەۋ جانە ستەند اتۋ سپورتىنان ايەلدەر اراسىنداعى ءىرى حالىقارالىق تۋرنير ءوتىپ, قازاقستاندىقتار ەكى مەدال جەڭىپ الدى.
ۇلتتىق وليمپيادا كوميتەتىنىڭ مالىمەتى بويىنشا, جەلتوقساننىڭ 4-12-ءسى ارالىعىندا وتكەن حالىقارالىق تۋرنيرگە الەمنىڭ 22 مەملەكەتىنەن 115 سپورتشى قاتىستى. نىسانا كوزدەۋدەن قازاقستان اتىنان التى مەرگەن قاتىسىپ, ەڭ جوعارى ناتيجەنى ەليزاۆەتا كورول تىركەدى. شىمكەنتتىك سپورتشى ۆينتوۆكامەن نىسانا كوزدەۋدە فينالعا ءوتىپ, 4-ءشى ساتىعا تۇراقتادى.
ستەند اتۋدان قازاقستاندىق مەرگەندەر جۇلدەلى ەكى ورىن جەڭىپ الدى. اتاپ ايتار بولساق, «سكيت» بويىنشا ريناتا ناسىروۆا كۇمىس, زويا كراۆچەنكو قولا جۇلدەگەر اتاندى. ال «تراپ» باعدارلاماسى بويىنشا ماريا دميتريەنكو 4-ءشى, سارسەنكۇل رىسبەكوۆا 5-ءشى ورىندا.
ءالي بيتورە,
«ەگەمەن قازاقستان»