10 ناۋرىزدا ەلىمىزدىڭ كەزەكتى فۋتبول الامانى باستالدى. بيىل 21-ءشى رەت ءوتىپ وتىرعان چەمپيوناتتىڭ رەگلامەنتى ءوزگەردى: بىلتىرعى ماۋسىمدا كوماندالار ءبىرىنشى كەزەڭنەن كەيىن 6 مىقتى, 6 ءالسىز بولىپ ءبولىنىپ, ءبىرىنشىلىكتى ءارى قاراي بولەك جالعاستىرسا, بيىل 14 كلۋب كلاسسيكالىق ۇلگى بويىنشا ونەر كورسەتەتىن بولدى.
فۋتبولسۇيەر قاۋىم قازىر دەمىن ءىشىنە الىپ, تاقىمىن قىسىپ وتىر: باستالعان چەمپيونات قانداي دەڭگەيدە ءوتپەك, مىقتىلار نە ىستەي الادى, ەل چەمپيونى – «شاحتەردىڭ» بيىلعى شاماسى قالاي ەكەن دەگەن سىڭايداعى سۇراقتاردىڭ ولاردى ءجيى مازالايتىنى ءتۇسىنىكتى.
10 ناۋرىزدا ەلىمىزدىڭ كەزەكتى فۋتبول الامانى باستالدى. بيىل 21-ءشى رەت ءوتىپ وتىرعان چەمپيوناتتىڭ رەگلامەنتى ءوزگەردى: بىلتىرعى ماۋسىمدا كوماندالار ءبىرىنشى كەزەڭنەن كەيىن 6 مىقتى, 6 ءالسىز بولىپ ءبولىنىپ, ءبىرىنشىلىكتى ءارى قاراي بولەك جالعاستىرسا, بيىل 14 كلۋب كلاسسيكالىق ۇلگى بويىنشا ونەر كورسەتەتىن بولدى.
فۋتبولسۇيەر قاۋىم قازىر دەمىن ءىشىنە الىپ, تاقىمىن قىسىپ وتىر: باستالعان چەمپيونات قانداي دەڭگەيدە ءوتپەك, مىقتىلار نە ىستەي الادى, ەل چەمپيونى – «شاحتەردىڭ» بيىلعى شاماسى قالاي ەكەن دەگەن سىڭايداعى سۇراقتاردىڭ ولاردى ءجيى مازالايتىنى ءتۇسىنىكتى.
ال ەلىمىزدىڭ ەڭ مىقتى كومانداسىنىڭ باستىعى ەردەن حاليلينمەن ارادا بولعان اڭگىمە دە وسى تاقىرىپ ءتوڭىرەگىندە وربىگەن بولاتىن.
– قاراعاندىنىڭ «شاحتەرى» چەمپيوندىق اتاعىن ساقتاپ قالۋ ۇشىن جاڭافۋتبول ماۋسىمىنا تىڭعىلىقتى دايىندالعان شىعار.
– سپورتتا مىناداي بەلگىلى قاعيدا بار: «چەمپيون بولۋدان گورى چەمپيوندىق اتاقتى ۇستاپ تۇرۋ الدەقايدا قيىن» دەگەن. وسى تۇرعىدان العاندا, باستالعان ماۋسىمدا ەل چەمپيونى – «شاحتەردى» اسا جاۋاپتى سىناقتار كۇتىپ تۇر. نەگە دەسەڭىز, ەلىمىزدىڭ وزگە كوماندالارى «شاحتەرگە» كەلگەندە, بار كۇشىن سالىپ, ايانباي وينايتىن بولادى.
– كوماندا قۇرامىنداعى وزگەرىستەرگە توقتالساڭىز…
– نەگىزىنەن, «شاحتەردىڭ» قۇرامىندا بىلتىر چەمپيون بولعان فۋتبولشىلاردىڭ باسىم بولىگى ءوز ورىندارىن ساقتاپ قالدى. ماۋسىمنىڭ سوڭىندا كوماندانىڭ ۇزدىك ويىنشىسى جامبىل كوكەەۆ پەن «استانا» كلۋبى اراسىنداعى كەلىسسوزدەر ءبىراز اڭگىمەگە تامىزىق بولعانى راس. بىراق تا, تۇپتەپ كەلگەندە, ءبارى دە ويداعىداي شەشىلىپ, فۋتبولشى «شاحتەرگە» قايتا ورالدى. سول سياقتى, كومانداداعى مىقتى قورعاۋشىلارىمىز الدين دجيديچ پەن نيكولا ۆاسيلەۆيچ, جارتىلاي قورعاۋشىلار گەديميناس ۆيچيۋس, اندرەي پورىۆاەۆ جانە باسقالارى الداعى ۋاقىتتا «شاحتەرمەن» بىرگە بيىكتەردى باعىندىرۋعا نيەت ءبىلدىردى. بۇل, ارينە, وتە قۋانىشتى جانە ماڭىزى زور ءجايت. ياعني, ۇجىمداعى مورالدىق-پسيحولوگيالىق احۋال ءوز دەڭگەيىندە دەپ سەنىممەن ايتۋعا بولادى.
«شاحتەر» سونداي-اق قازاقستاندىق فۋتبولشىلار – شابۋىلشى ستانيسلاۆ لۋنين, قورعاۋشىلار ميحايل گابىشەۆ جانە ۆلاديسلاۆ كۋزمينمەن كەلىسىم-شارتقا وتىردى.
– بيىلعى جىلى ار كومانداعا جەتى لەگيونەردەن الۋعا رۇقسات بار. وسىرەتتە «شاحتەردىڭ» قۇرامىندا قانشا لەگيونەر فۋتبولشى وينايباستادى.
– التى لەگيونەر-ويىنشىمەن كەلىسىم-شارتقا وتىرعان بولاتىنبىز. ولار – بوسنيالىقتار الدين دجيديچ, نيكولا ۆاسيلەۆيچ, دانيەل مايكيچ, ليتۆان گەديميناس ۆيچيۋس, سەرب فيليپ ارەسنيجەۆيچ جانە كولۋمبيالىق رودجەر كانياس. بيىل «شاحتەردىڭ» ۋەفا چەمپيوندار ليگاسىندا ونەر كورسەتەتىنى بەلگىلى. ەل فۋتبولىنىڭ نامىسى سىنعا تۇسەتىن بۇل مارتەبەلى جارىستا كوماندا قۇرامىن شەبەرلىگى جوعارى ويىنشىلارمەن كۇشەيتپەسە بولمايدى. سوندىقتان دا, ءبىر لەگيونەرگە دەگەن ورىندى ازىرگە بوس ۇستاپ تۇرمىز.
– بيىلعى چەمپيوناتتىڭ وتكىزىلۋ تارتىبىنە وزگەرىستەر ەندى. وسىجونىندەگى سىزدىڭ پىكىرىڭىزدى بىلگىمىز كەلەدى…
– راس, بىلتىرعى جانە ونىڭ الدىنداعى ماۋسىمداردا پرەمەر-ليگا كوماندالارى اراسىنداعى قازاقستان چەمپيوناتى 6+6 جۇيەسى بويىنشا ءوتتى. جالپى العاندا, بۇل جۇيەنىڭ وزىندىك ارتىقشىلىقتارى, سونداي-اق كەمشىلىكتەرى دە بولدى. ارتىقشىلىعىنا كەلەر بولساق, ەكى ماۋسىم بويى ءبىزدىڭ چەمپيوناتتاعى تارتىس مارەگە جەتكەنشە ءبىر مىسقال دا كەمىمەدى. جانكۇيەر قاۋىم ەڭ اقىرعى تۋرعا دەيىن كىمنىڭ چەمپيون, كىمنىڭ جۇلدەگەر بولاتىنىن بىلە الماي, دال بولدى. وسىنىڭ ءبارى دە چەمپيوناتقا دەگەن قىزىعۋشىلىقتى ارتتىرعانى ءسوزسىز. دەگەنمەن, بيىلدان باستاپ كلاسسيكالىق جۇيەگە كوشكەنىمىز دەر كەزىندە قابىلدانعان دۇرىس شەشىم دەپ ايتۋعا بولادى. نەگە دەسەڭىز, الەمدەگى فۋتبول دەرجاۆالارىنىڭ ءبارى دەرلىك ىشكى چەمپيوناتتارىن وسى جۇيە بويىنشا وتكىزەدى. ياعني, كلاسسيكالىق جۇيە ءوزىنىڭ ومىرشەڭدىگىن الدەقاشان دالەلدەگەن دەپ سەنىممەن ايتۋعا بولادى. مۇندا بارلىق كومانداعا بىردەي مۇمكىندىك پەن تەڭ قۇقىق بەرىلەدى.
– لەگيونەر ويىنشىلاردىڭ سانى بەسەۋدەن جەتەۋگە كوبەيدى. وسى جايىندا نە ايتاسىز؟
– جالپى, شەتتەن مىقتى دەگەن لەگيونەر فۋتبولشىلاردى شاقىرۋ – الەمدىك ءۇردىس. قارىشتاپ دامىعان فۋتبول كوشىنە ىلەسۋ ءۇشىن بۇل داستۇردەن ءبىز دە باس تارتا المايمىز. لەگيونەر فۋتبولشىنىڭ ەڭ باستى ەكى ميسسياسى بولۋى كەرەك دەپ ويلايمىن: ونىڭ ءبىرى – كوماندانىڭ ويىنىن كۇشەيتۋ, ەكىنشىسى – ءوزىنىڭ كاسىبي شەبەرلىگىمەن جەرگىلىكتى جاس فۋتبولشىلارعا ۇلگى بولا ءبىلۋ. مىنە, وسى ەكى ماقسات ورىندالىپ جاتسا, ءبىز لەگيونەرلەردەن پايدا كورمەسەك, زيان شەكپەيمىز. تەك, ەستە ۇستايتىن ءبىر ماسەلە – شەتتەن كەلگەن شەبەر ويىنشىعا شاشىلا بەرمەي, ءوزىمىزدىڭ تالاپتى دا تالانتتى جاستارىمىزدى ۇمىتپاۋىمىز كەرەك. قازاقتىڭ فۋتبولىن دامىتامىز دەسەك, وسىنى جادىدا مىقتاپ ۇستاعانىمىز ءجون!
– بىلتىرعى ماۋسىمدا «شاحتەردىڭ» قۇرامىندا قانداس باۋىرلارىمىزدىڭ مولداۋ بولعانى ءسۇيسىنتتى. سول ءۇردىس بيىل جالعاسىن تابا ما؟
– شىنىندا, وتكەن جىلعى ماۋسىمدا ءبىزدىڭ كوماندا قۇرامىندا ءاربىر ماتچتا ءتورت-بەس قاراكوز باۋىرلارىمىز ونەر كورسەتىپ ءجۇردى. بۇرىن «شاحتەردىڭ» تاريحىندا مۇنداي ءجايت ورىن الماعان-تۇعىن. ونىڭ ۇستىنە, اتالعان ويىنشىلار اسا جاۋاپتى ماتچتاردا كوماندانىڭ بولمىسىن تانىتىپ, ويىن-ورنەگىن ايقىندادى.
ءبىر قۋانىشتىسى, وسى فۋتبولشىلاردىڭ بارلىعى دەرلىك بيىل دا «شاحتەردىڭ» جەيدەسىن كيىپ, وبلىس فۋتبولىنىڭ نامىسىن قورعايتىن بولادى. بۇلاردان بولەك, كوماندانىڭ يەلىگىندە شەبەرلىگى شىڭدالىپ, جىلدان جىلعا ءوسىپ كەلە جاتقان بىرنەشە جاس فۋتبولشى بار. مىسالى, شابۋىلشى توقتار جانعىلىشباي, جارتىلاي قورعاۋشى جومارت رىسالين جانە تاعى باسقالار. بۇل فۋتبولشىلار الداعى ۋاقىتتا الاڭعا شىعۋعا ساقاداي-ساي تۇرۋعا ءتيىس جاس تالانتتار.
جالپى, فۋتبولدا ۇلتتىق ماسەلەگە كەلگەندە وتە بايسالدى ساياسات ۇستانۋ كەرەك. دەگەنمەن, مۇمكىندىگى بولىپ جاتسا, بۇل ماسەلەدە تارتىنىپ قالۋ دا جاراسپاس. بىزگە ءوزىمىزدىڭ كەۋدەسى نامىسقا تولى, دارىندى جاستار كەرەك, الداعى ۋاقىتتا ولاردى تاربيەلەپ شىعارۋ ءبىزدىڭ پارىزىمىز بولماق.
اڭگىمەلەسكەن ايقىن نەسىپباي.
قاراعاندى.