ءتورت جىلدا ءبىر رەت كەلەتىن وليمپيا ويىندارى سپورت پاديشاسى سانالادى. ەركىن كۇرەستەن الەمدە التى رەت الدىنا جان سالماعان داعىستاندىق بالۋان ءالي اليەۆ كەزىندە “وسى بار التىندارىمدى ءبىر وليمپيادا مەدالىنىڭ بوداۋىنا ويلانباي-اق بەرەر ەدىم” دەگەن ەكەن.
ءتورت جىلدا ءبىر رەت كەلەتىن وليمپيا ويىندارى سپورت پاديشاسى سانالادى. ەركىن كۇرەستەن الەمدە التى رەت الدىنا جان سالماعان داعىستاندىق بالۋان ءالي اليەۆ كەزىندە “وسى بار التىندارىمدى ءبىر وليمپيادا مەدالىنىڭ بوداۋىنا ويلانباي-اق بەرەر ەدىم” دەگەن ەكەن.
ماسەلەن, اتلانتا وليمپياداسىندا كوپسايىستان قازاقستان قورجىنىنا كۇن كوزىن شاعىلىستىرىپ التىن سالعان الەكساندر پارىگين: “قازاقستاندا جاتتىعۋعا ىڭعايلى سپورت الاڭدارى جوق, سوندىقتان كەلەسى وليمپياداعا شەت ەلدەردە دايىندالامىن. قارجىسىن ۋاقىتىندا تولەۋدى ۇمىتپاڭدار”, دەپ پاڭسىعان بولاتىن. ءتورت جىل الەمنىڭ تاڭداۋلى سپورت ارەنالارىندا ارمانسىز جاتتىققان سول پارىگين سيدنەيدە ولجا سالماق تۇگىلى, جولداماسىنا يە بولا المادى.ال, جاقىندا لوندون قالاسىندا سپورتتىق گيمناستيكادان وتكەن حالىقارالىق جارىستا شىمكەنتتىك ءمولدىر ءازىمباي وسى قالادا وتەتىن وليمپيا ويىندارىنا بەرىلەتىن جولدامانى جان قالتاسىنا سالدى. سىمعا تارتقانداي سۇلۋ قىزىمىز – اتاقتى نەللي كيمنەن كەيىن اراعا 32 جىل سالىپ بارىپ جولداما العان شىمكەنتتىك سپورتشى. بەكزادا بەكزات سيدنەيگە جولداما العاندا قۇراما باپكەرلەرىنىڭ ء“الى جاس قوي, ءبىر-ەكى كەزدەسۋدى جەڭسە قاناعات” دەگەنىن ەستىگەنبىز. ءباھادۇر اتانىپ قايتتى. “جاقسى ءسوز – جارىم ىرىس” دەگەن حالىقپىز عوي. بالكىم, ءمولدىردىڭ دە تۇماندى البيون ەلىندە جولى وڭعارىلار.
باقتيار تايجان