استاناداعى «الاۋ» مۇز ايدىنى سارايىنداعى «تەحنيكالىق ءۇزىلىس» جۇرتشىلىقتىڭ كوڭىلىنە سىزات تۇسىرۋدە
الدىمەن, وسى سپورت كەشەنىنىڭ اتالۋى حاقىندا بىرەر ءسوز. ارينە, كاتوكتىڭ تىكەلەي اۋدارماسى «مۇز ايدىنى». وندا «سارايدى» قىستىرمالاۋدىڭ ءجونى بار ما؟ ال «الاۋ» مۇز ايدىنى» دەپ شەكتەلسەك, تىم قارابايىرلاپ, اۋقىمىن تارىلتىپ المايمىز با؟ ساراي دەگەننىڭ ءوزى اسا ۇلكەن, ايرىقشا ءىرى, ارحيتەكتۋرالىق جاعىنان ەرەكشە ءبىتىمدى بوپ كەلەتىن عيمارات مازمۇنىن اشادى ەكەن.
استاناداعى «الاۋ» مۇز ايدىنى سارايىنداعى «تەحنيكالىق ءۇزىلىس» جۇرتشىلىقتىڭ كوڭىلىنە سىزات تۇسىرۋدە
الدىمەن, وسى سپورت كەشەنىنىڭ اتالۋى حاقىندا بىرەر ءسوز. ارينە, كاتوكتىڭ تىكەلەي اۋدارماسى «مۇز ايدىنى». وندا «سارايدى» قىستىرمالاۋدىڭ ءجونى بار ما؟ ال «الاۋ» مۇز ايدىنى» دەپ شەكتەلسەك, تىم قارابايىرلاپ, اۋقىمىن تارىلتىپ المايمىز با؟ ساراي دەگەننىڭ ءوزى اسا ۇلكەن, ايرىقشا ءىرى, ارحيتەكتۋرالىق جاعىنان ەرەكشە ءبىتىمدى بوپ كەلەتىن عيمارات مازمۇنىن اشادى ەكەن.
وسى تۇرعىدا «مۇز ايدىنىن» ولقىسىنساق, «الاۋ» مۇزدا سىرعاناۋ سارايى» دەسەك, ۇعىم مەن مازمۇن ىشتەي قابىسىپ تۇراتىنداي ەمەس پە؟ نەمەسە, «الاۋ» سىرعاناق سارايى». ءتىپتى «الاۋ» مۇزدى سارايى» (لەدوۆىي دۆورەتس) دەسە دە مانىنەن ونشا الىس كەتپەيتىن سەكىلدى.وسى «الاۋ» مۇز ايدىنى سارايىمەن قاپتالداسىپ تاعى ەكى اۋماقتى سپورت عيماراتى ورىن تەپكەن. اۋەجايدان قالاعا كىرە بەرىستە, قابانباي داڭعىلىنىڭ سول جاعىندا ورنالاسقان ەكىنشىسى – «استانا-ارەنا», ءۇشىنشىسى – «ۆەلوترەك» سپورت كەشەندەرى. وسى ۇشەۋىنىڭ قانداي باعىتتاعى عيماراتتار ەكەنىن سىرت كوز بىردەن اڭعارماي دال بولارى انىق. راس, ماڭدايشالارىندا جاقىنداپ بارعاندا عانا كوزگە شالىناتىن اتاۋ-جازۋلارى بار. الىستان انداعايلاتىپ, ءىرى دە كوركەم جازۋمەن ەڭسەلەرىن ودان ارمەن بيىكتەتىپ قويسا, قۇبا-قۇپ. كوز قانىعىپ, كوڭىل سەنىپ دەگەندەي, كوركەم قۇبىلىستى عيماراتتاردىڭ اجارى مەن سانىنە ىشكى تىلسىمىنىڭ سىرى قابىسىپ, جايناپ, جاراسىپ-اق كەتپەس پە؟ جىراقتان قول بۇلعاپ شاقىرىپ, مەندە مىنانداي-مىنانداي قىزىقتار بار دەگەندەي, ىقىلاس وياتىپ, ىنتالاندىرار ەدى-اۋ! سپورتقا دەگەن بۇقارالىق بۇلقىنىس سوندا بۇلا كۇشكە كەنەلەر, بالكىم؟جاسىراتىن نە بار, بىلتىر دۇركىرەپ وتكەن قىسقى ازيادا ويىندارىنان سوڭ استاناداعى ءبىراز سپورت عيماراتتارى اراكىدىك بوس كۇيىندە قاڭتارىلىپ تۇراتىنى ايتىلىپ تا, جازىلىپ تا ءجۇر. شىننىڭ جۇزىنە تۋرا قاراعان ابزال عوي. مۇمكىن, سودان قورىتىندى شىعارۋدى ويلاستىردى ما ەكەن, بيلىكتەگىلەر «الاۋ» مۇز ايدىنى سارايىن دەمالىس كۇندەرى جاپپاي سىرعاناۋعا بەرىپ قويدى. حالىق وعان ىقىلاستانىپ باراتىن بولدى.العاشقى كەزەڭدە ۇلكەندەرگە كىرۋ باعاسى 500 تەڭگەدەن بولسا, جۇرتتىڭ كوپ كەلە باستاعانى ەسكەرىلگەن شىعار, 1000 تەڭگەگە كوتەرىلدى. ال تۇستەن كەيىنگى باعا 1500 تەڭگە. تيىسىنشە, كونكيدى جالعا بەرۋ باعاسى دا ءوستى. سىرعاناۋ ءلاززاتىنا بولەنگەندەر اقشاعا قاراپ جاتپايدى, باعانى قالاي كوتەرسە دە سونىڭ ىعىنا جىعىلا بەرەدى. ءبىر جولعى 3 ساعاتتىق دەمالىس قىزىعىن ەشتەڭەگە ايىرباستاعىلارى كەلمەيتىندەي.بىراق… وتكەن جولعى وكىنىشكە تاپ بولعان ءبىراز استانالىقتاردىڭ ءجۇزىندەگى كىربىڭدى ايتپاي تۇرا الماس ەدىك. ءتۇسكە دەيىنگى مۇز ايدىنىنا جىبەرىلگەندەر بالا-شاعاسىمەن, نەمەرەلەرىمەن سىرعاناقتىڭ وزگە ءبىلىپ بولماس بويدى بۋساندىرا بالقىتاتىن شيپا-شاپاعاتىنا شومىلىپ, شۋىلداسا سىرتقا بەتتەگەندە, بيلەت كاسساسىنىڭ الدىندا تومسىرايىپ, تۇنەرىپ تۇرعاندارعا تاپ بولعانى بار. نە بولىپتى؟ ىشكە كىرە الماي تۇر ەكەن. سەبەبى – ساعات 15-16 اراسى تەحنيكالىق ءۇزىلىس كەزى دەپتى. ۇلكەن-كىشىسى بار ءبىر قورا سىرعاناقشىلار وسىلايشا سارسىلىپ, الدەكىمدەرگە شاعىنعانىمەن دانەڭە ونبەدى. مۇندايدا ءبىر ساعاتتان استام ۋاقىت كۇتۋ قانداي قيىن. ۇنجىرعالارى ءتۇسىپ, كەمىرىلىپ كەتىپ بارا جاتتى. قالا شەتىندەگى قىزىققا قاۋىمداسىپ كەلگەندەگى كورگەن قۇقايلارى وسى. تاۋانى شاعىلىپ, ماڭدايلارى تاسقا سوعىلعانداي.تەحنيكالىق ءۇزىلىستىڭ كوزدەگەن ماقساتى بار شىعار. ول جاعىنا باس اۋىرتىپ جاتپايىق. الايدا, استانالىقتاردىڭ بۇقارالىق سپورتقا دەگەن جاپپاي ىنتا-ىقىلاسىن بولىمسىز ۇزىلىستەرمەن تەجەپ قويۋ قيسىنسىز-اق. بىرىنشىدەن, قانشاما ادامنىڭ كوڭىلىنە كىربىڭ ءتۇستى. ولار كەلەسى جولى بۇل ماڭعا ءاتىزىن سالا قويار ما ەكەن؟ ۋاقىت اڭدىتتىرىپ قويعان ماشاقاتىنان قاشادى دا. ەكىنشىدەن, مۇز ايدىنى سارايى قانشاما پايدادان قاعىلدى دەسەڭىزشى. بۇل جەردە قارجىدان وتكىن ءبىر سالدار – دەمالۋشىلار سەنىمىنەن شىعا الماۋ جاعى قاتتى الاڭداتۋى ءتيىس ەدى. رەتى كەلگەندە ايتايىق, وزگە مەملەكەتتەردە جۇرتشىلىقتىڭ مادەني دەمالۋىنا جاقسى جاعداي جاساۋ ءۇشىن بارلىق قولايلىلىقتار ءجىتى ويلاستىرىلعان. ءتىپتى جاڭا جىل مەرەكەسى كۇندەرى ماسكەۋدىڭ مۇراجايلارى كەلۋشىلەرگە تەگىن قىزمەت كورسەتكەن. سونداعى كوزدەگەنى – نەعۇرلىم ىنتالىلار قاتارىن كوبەيتۋ. ال بىزدە ىقىلاسپەن سىرعاناققا كەلىپ تۇرعانداردىڭ كەۋدەسىنەن يتەرگەندەي جاعىمسىز ءىس-ارەكەت سەزىلەدى.ەسىمىزگە امالسىزدان ءتۇسىپ وتىر, بىلتىرعى قىسقى ازيا ويىندارى كۇندەرى وسى مۇز ايدىنى سارايىنا كونكيشىلەر سايىسىن كورمەككە جينالعاندار ەكى ساعات بويى قاقاعان ايازدا ىشكە كىرە الماي ىزعاقتاعانىنىڭ كۋاسى بولعانبىز. ىشتە ورىن جوق, بيلەت ساتىلىپ كەتكەن دەپ قاراۋىلدا تۇرعان ءتارتىپ ساقشىلارى بەت قاراتپاي قويىپ ەدى. ۋاقىتى كەلىپ, سارايعا امالسىزدان تەگىن كىرگىزگەندە كونكيشىلەردىڭ جاتتىقتىرۋشىلارىنان وزگە جانكۇيەرلەردى كورە الماي تاڭقالعانبىز. سوڭىنان بىلسەك, ساراي جانىنان بيلەت كاسساسىن ۇيىمداستىرا الماعانى بەلگىلى بولدى. ال حالىقتى «بيلەت ساتىلىپ كەتكەن» دەپ الداي سالۋ ولارعا شىبىن شاققان قۇرلى سەزىلمەگەندەي…قىس قىزىعى ءالى الدا. تەك, جاپپاي سىرعاناۋ رەتسىز سىرعاقسىتىلىپ, ساعىمدانباسا ەكەن.قايسار ءالىم,استانا.