ۆەنگريا استاناسى بۋداپەشتتە 7-12 قاراشا ارالىعىندا سينحروندى جۇزۋدەن حالىقارالىق تۋرنير ءوتتى. ەۋروپاداعى ءدۇبىرلى دوداعا ماجارستان, سلوۆەنيا, چەحيا, پولشا جانە قازاقستاننان 300-گە جۋىق سپورتشى قاتىستى.
ءبىر اپتاعا سوزىلعان حالىقارالىق جارىستىڭ قورىتىندىسىندا 13-15 جاس ارالىعىندا جاسوسپىرىمدەر اراسىنداعى باسەكەدە قازاقستاندىق سپورتشىلار باس جۇلدەنى يەلەندى. اتاپ ايتار بولساق, جەكەلەي سىندا ارينا مياسنيكوۆا ءبىرىنشى, ەتەري كاكۋتيا ەكىنشى ساتىدان كورىندى. ال جۇپتىق سىندا ارينا مياسنيكوۆا مەن نارگيزا بولاتوۆا توپ جاردى. سونىمەن قاتار توپتىق جاتتىعۋدا دا ءبىزدىڭ قۇراما ۇزدىكتەر قاتارىنان كورىندى.
دايىنداعان الي بيتورە,
«ەگەمەن قازاقستان»