وبلىس ورتالىعىندا كۇزگى اسكەرگە شاقىرىلۋ شاراسى وتۋدە. تاڭداۋلى دە دەسانتتىق شابۋىلشىلار قاتارىنا الىنعان بولاشاق ساربازداردى پاۆلودارلىقتار سالتاناتتى تۇردە شىعارىپ سالدى.
وبلىستىق قورعانىس ىستەرى جونىندەگى دەپارتامەنتتىڭ حابارىنشا, وڭىردەن اتتانىپ بارا جاتقان 45 جاس جىگىتى ەندى 29108 اسكەري بولىمىندە قىزمەت ەتەدى. اسكەري ءبولىم الماتى وبلىسى كەربۇلاق اۋدانى سارىوزەك كەنتىندە ورنالاسقان. ءبولىم 1999 جىلى قۇرىلعان. اسكەري قىزمەت - ابىرويلى ءىس. ساربازدار ساپىن تولتىرعان جاس ازاماتتار وتان الدىنداعى بورىشىن ابىرويمەن اتقاراتىندىعىنا سەنىم مول.
اسكەرگە اتتانعاندار اراسىندا ەكىباستۇزداعى تاۋ-كەن تەحنيكالىق كوللەدجىنىڭ تۇلەگى ايبولات شەكەرحان دا بار. ايبولاتتىڭ اتا-اناسى شىعارىپ سالدى.
- اسكەردەن امان-ەسەن ورالسىن دەپ كۇتەمىز. ۇلىمىزدىڭ دەنساۋلىعى جاقسى, اسكەر قاتارىنا دا مىقتى بالالار كەرەك قوي, دەيدى اناسى قيبات اپاي.
ەلىمىزدىڭ قورعانىس مينيسترلىگىنىڭ تاڭداۋلى دەسانتتىق-شابۋىلشى اسكەرى قاتارىنا الىناتىن جاستارعا ەرەكشە تالاپ قويىلادى. بولاشاق ساربازدىڭ دەنساۋلىعى مىقتى, بويىنىڭ ۇزىندىعى 175 سم-دەن كەم بولماۋى ءتيىس. سوندىقتان,ساربازدار الداعى 1 جىلدا اسكەري بورىشتارىن وتەپ, ودان سوڭ كەلىسىمشارت بويىنشا اسكەري قىزمەتتەرىن جالعاستىرۋعا دا قۇقىلى.
اسكەرگە شىعارىپ سالۋعا ارنالعان سالتاناتتى كەشتە بولاشاق ساربازداردىڭ قۇرمەتىنە ارناپ جەرگىلىكتى ونەرپازدار اندەر ارنادى.
فاريدا بىقاي,
«ەگەمەن قازاقستان»
پاۆلودار