اقتوبەدە مەملەكەت باسشىسىنىڭ «رۋحاني جاڭعىرۋ» باعدارلاماسىنىڭ «وزگەرىستەردى وزىڭنەن باستا» كىشى باعدارلاماسىن ىسكە اسىرۋ ماقساتىندا كوپشىلىككە كەڭىنەن تانىمال اقىندار ينديرا كەرەەۆا جانە گۇلجاينار قالدينانىڭ قاتىسۋىمەن شىعارماشىلىق كەش ءوتتى.
سونىمەن قاتار,كەشكە جازۋشى جانە ايتىسكەر, قازىرگى ۋاقىتتا قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى جۇرتشىلىقپەن بايلانىس دەپارتامەنتىنىڭ ديرەكتورى ارمان بەردالين جانە وبلىستىڭ مەملەكەتتىك قىزمەتشىلەرى قاتىستى.
مەملەكەتتىك قىزمەتشىلەردىڭ ساناسىن جاڭعىرتۋعا, ۇلتتىق رۋحتى نىعايتۋعا جانە شىعارماشىلىق الەۋەتىن دامىتۋعا ارنالعان پوەزيالىق كەش س. بايىشەۆ اتىنداعى وبلىستىق كىتاپحانادا ءوتتى.
كەشتە شىعارماشىلىق قايراتكەرلەرى وزدەرىنىڭ ولەڭدەرى مەن شىعارماشىلىق جۇمىستارىن تىڭداۋشىلار نازارىنا ۇسىندى.بۇل ءوز كەزەگىندە مەملەكەتتىك قىزمەتكەرلەرگە جازۋشىلاردىڭ مادەنيەتى جانە شىعارماشىلىق ونەرىمەن جاقىن تانىسۋعا مۇمكىندىك بەردى.
«جالپى بۇل كەرەك دۇنيە. كەش بارىسىندا مەملەكەتتىك قىزمەتشىلەر وزدەرىن باسقا قىرىنان كورسەتىپ, ولەڭ وقىپ, پوەزياعا جاقىن ەكەندىكتەرىن بايقاتتى. ءتىپتى كەيبىرەۋلەرى ارنايى سۇرانىپ تا كەلگەن. كەش سوڭىندا قاتىسۋشىلاردىڭ كەتكىسى كەلمەگەندىگىن بايقادىم. بۇل دەگەنىمىز نە؟ ءبىر جاعىنان بۇل سۇرانىستىڭ جوعارىلىعى بولسا, ەكىنشى جاعىنان مامانداردىڭ بوس ۋاقىتىنىڭ بولماۋىنا بايلانىستى رۋحاني شولدەپ قالعانىن بىلدىرەدى. ءوز باسىم وسىنداي كەشتەردى ءجيى وتكىزۋ قاجەت دەپ ويلايمىن», - دەدى ي. كەرەەۆا
سونىمەن قاتار, اقىندار قوعامدا وزەكتى ماسەلەگە اينالعان پاتريوتيزم, ەلگە دەگەن سۇيىسپەنشىلىك سۇراقتارىن كوتەرىپ, ءتۇرلى پىكىرلەر مەن يدەيالاردى ۇسىندى.
كەش سوڭىندا تىڭداۋشىلار قاتىسۋشىلارعا, اسىرەسە ۇيىمداستىرۋشىلارعا ەرەكشە ريزاشىلىقتارىن ءبىلدىردى.
تەمىر قۇسايىن,
«ەگەمەن قازاقستان»