رەسەيدىڭ ماحاچكالا قالاسىنان كەلگەن تروپيكالىق قۇستار مەن ەكزوتيكالىق جانۋارلاردىڭ كوشپەلى كورمەسىن وبلىس تۇرعىندارى ءبىر اي بويى الاڭسىز تاماشالاي الادى.
ء«بىزدىڭ تالىمباقتا قۇستار مەن جانۋارلاردىڭ ەكى مىڭنان استام ءتۇرى بار. وتە سيرەك كەزدەسەتىن تۇرلەرىن الىپ كەلدىك», دەيدى كورمەنى ۇيىمداستىرۋشىلاردىڭ ءبىرى پەتر زاتولوكين.
بالدىرعانداردىڭ كوبى مادينا ەسىمدى برازا مايمىلى توڭىرەگىنەن اينالشىقتاپ شىقپايدى. ء ار قىلىعىن قىزىق كورەدى. نەگىزىنەن برازيليا ەلىندە كەزدەسەدى. 60 جاسقا دەيىن ءومىر سۇرەدى. ماينا ەسىمدى قاراتورعاي ينديا ەلىندە كيەلى قۇس سانالادى ەكەن. تاماقتى تاڭداپ,تالعاپ جەيدى. ازىعى گەرمانيادان ارنايى اكەلىنەتىن كورىنەدى. بالاقايلاردىڭ ءبارى 3 مەترلىك جىلاننىڭ جانىنا جاقىن بارۋعا تاۋەكەل ەتە بەرمەيدى. الا پيتونننىڭ سالماعى 20 كيلو. ايىنا ءبىر رەت قويانمەن ازىقتاندىرسا جەتكىلىكتى. كوبىنە باتپاقتى جەرلەردە تىرشىلىك ەتەدى.
ادامشا سويلەپ, 1500 سوزگە دەيىن جاتقا ايتاتىن توتىقۇستىڭ جاسى تورتتە. ەسىمى-گوشا. ەلى–امەريكا. قۇتىمى كەلىسسە, 20 جىلدان ارتىق ءومىر سۇرەدى.تروپيكالىق قۇستار مەن جانۋارلار كورمەسىنە ءۇش جاسقا دەيىنگى بالالار تەگىن كىرە الادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى