قىسقا ازىرلىك ويداعىداي

قىسقا ازىرلىك جۇمىستارىن ۇيىمداستىرۋ اياسىندا اسكەري جانە ارنايى تەحنيكاعا ساپالى قىزمەت كورسەتىپ, قارۋ-جاراقتىڭ جاي-كۇيىن تەكسەرتىپ, انىقتالعان اقاۋلىقتاردى جويۋعا تۋرا كەلەدى. قۇرامالار مەن بولىمدەردە بار­لىق ساناتتاعى اسكەري قىزمەت­شىلەرم­ەن جاۋىنگەرلىك ماشينالار پاركتەرىندە ماۋسىمدىق جۇمىس­تاردى ۇيىمداستىرۋ, سونداي-اق تەحنيكادا جۇمىس ىستەۋ كەزىندە قا­ۋىپسىزدىك شارالارىن ساقتاۋ جونىندە كورسەتىلىمدى ساباقتار وتكىزىلدى.

بار­لىق اسكەري بولىمدەرى مەن بولىم­شە­لەرى الدىن الا قاجەتتى قوسالقى بول­شەكتەرمەن, اسپاپپەن جانە جانار-جاعارمايدىڭ بارلىق تۇرلە­رىمەن قامتاماسىز ەتىلدى. ەندى ارنايى بەلگىلەنگەن ۋاقىتتا اسكەري قىزمەتشىلەرگە تومەن سالقىنداتقىش سۇيىقتىقتاردى, سۇزگىلەۋ ەلەمەنت­تەرى مەن توزىعى جەتكەن رەزەڭكە تەح­نيكالىق بۇيىمداردى, ماي مەن ماي­لاعىشتاردى اۋىستىرۋ, تو­راپتار مەن مەحانيزمدەردى رەتكە كەل­تىرىپ, جوندەۋ قاجەت. ءاربىر جاۋىنگەرلىك ماشينالار پاركىنىڭ اۋماعىن ءتيىستى جونگە كەلتىرىپ, ساقتاۋ ورىندارىنىڭ, پاركتىك ءۇي-جايلاردىڭ اعىمداعى جوندەۋىن جۇرگىزۋ, وندىرىستىك جابدىققا قىزمەت كورسەتۋ دە ماڭىزدى جۇمىستاردىڭ ءبىرى بولىپ تابىلادى. سول سەبەپتى ماۋسىمدىق جۇمىستاردى جۇرگىزۋ كەزىندە جاۋىنگەرلىك جانە ارنايى تەحنيكانىڭ, سونداي-اق جەكە قۇرام مەن قاۋىپتى جۇكتەردى تاسىمالداۋعا ارنالعان اۆتوموبيلدەردىڭ تەحني­كالىق جاي-كۇيىنە ەرەكشە نازار اۋدارىلاتىن بولادى.

قورعانىس ءمينيسترىنىڭ ءبىرىنشى ورىنباسارى – قارۋلى كۇشتەر باس شتابىنىڭ باستىعى, گەنەرال-لەيتەنانت مۇرات مايكەەۆ باستاعان كوميسسيا الماتى, قاپشاعاي جانە گۆاردەيسك گارنيزوندارى اسكەري بو­لىم­دەرى مەن قۇرامالارى نىسان­دا­رى­نىڭ قىسقى كەزەڭگە ازىرلىگىن تەكسەردى.

جۇمىس ساپارى بارىسىندا كو­ميسسيا اسكەري بولىمدەر مەن قۇرا­مالاردىڭ وقۋ-ماتەريالدىق بازا­سىنىڭ جاي-كۇيىن, قارۋ-جاراق پەن اسكەري تەحنيكانىڭ قىسقى پايدالانۋ رەجىمىنە كوشىرىلۋ ساپاسىن, قارۋ-جاراق پەن اسكەري تەحنيكا­نىڭ, بايلانىس قۇرالدارىنىڭ ساقتالۋ شارتتارىن جانە ورتكە قارسى قاۋىپسىزدىكتى تەكسەردى. سون­داي-اق اتالعان گارنيزونداردىڭ اسكەري بولىمدەرى مەن قۇرامالارى بولىمشەلەرىنىڭ قورىتىندى تەك­سەرىستى تاپسىرۋىنىڭ باقى­لانۋى جۇزەگە اسىرىلدى جانە بىتىم­گەر­شىلىك روتاسىنىڭ دايىندىعى تەك­سەرىلدى. ساپار قورىتىندىسى بويىنشا باس شتاب باستىعى اسكەري بولىمدەر مەن قۇرامالاردىڭ قول­باسشىلىعىنا اسكەرلەردىڭ جا­ۋىنگەرلىك ازىرلىگىن ارتتىرۋ ماسەلەلەرى بويىنشا ناقتى باعىت­تاردى ايقىنداپ بەردى.

جاقسىباي سامرات,

«ەگەمەن قازاقستان»