حالىقارالىق دەڭگەيدەگى جاڭا اۋرۋحانا قاجەت

تۇركىستان وبلىسىن دامىتۋ جونىندەگى ەلباسى تاپسىرماسى بويىنشا جاسالعان ارنايى جوسپارعا سايكەس, مەملەكەتتىك-جەكەشەلىك ارىپ­تەستىك اياسىندا وبلىس ورتالىعىندا كوپسالالى اۋرۋحانا بوي كوتەرەدى. قا­زىردىڭ وزىندە ونى سالۋعا قىزىعىپ وتىرعان ينۆەستورلار بار. وعان قوسا قارجى ور­تالىقتارىمەن, دامۋ بانكىمەن  كەلىس­سوزدەر جۇرگىزىلۋدە. تۋريستەر كوپ­تەپ كەلەتىندىكتەن حالىقارالىق دەڭ­گەيدەگى جاڭا اۋرۋحانا قاجەتتىگى دە تۋىن­داپ وتىر. 

بۇل جونىندە دەنساۋلىق ساقتاۋ ءمينيسترى ەلجان ءبىرتانوۆ تۇركىستان وبلىسىنا كەلگەن ساپارى بارىسىندا اۋداندىق اۋرۋحانالاردىڭ باس دارىگەرلەرىمەن, ءتۇرلى مەديتسينالىق ۇيىمداردىڭ باسشىلارىمەن وتكىزگەن جيىندا ءمالىم ەتتى. ءمينيستردىڭ ايتۋىنشا, ەندى ۇلكەن ەمحانالار سالىنبايدى. ونىڭ ورنىنا مەملەكەتتىك-جەكەشەلىك ارىپتەستىك اياسىندا سا­لىنعان مەكەمەلەردە تۇرعىندارعا جاقىن جەردەن ۋچاسكەلىك دارىگەرلەر قىزمەت كورسەتە باستايدى. ودان بولەك تۇرعىندارعا دارىگەرلەر سمارتفوندار ارقىلى كەڭەس بەرەدى. تۇركىستان قالالىق ەمحاناسىندا مينيستر مەدي­تسينالىق مەكەمەنىڭ جۇمىسىمەن تانىسىپ, اتالعان ۇيىمنىڭ قاعاز­سىز قىزمەت كورسەتۋ جۇيەسىنە كوش­كە­نى­نە كوز جەتكىزدى. 

ەمحانا باس دا­رى­گەرىنىڭ ورىنباسارى باقىتجان ءجۇزجاساروۆتىڭ ايتۋىنشا, ەمحاناعا تىركەلگەن تۇرعىندار بۇرىنعىداي مەديتسينالىق كارتاسىن ىزدەپ, قاعاز تاسىپ جۇرمەيدى. دارىگەرگە قارالۋدان باستاپ بارلىق قىزمەت ءتۇرى ەلەكتروندى قۇجات بويىنشا جۇزەگە اسادى. تابالدىرىق اتتاعاننان قارسى الاتىن قىزمەتكەر الدىنداعى مونيتورعا قاراپ-اق سۇرانىسىڭىزدى وتەيدى. بۇل ءۇشىن پاتسيەنت جەكە كۋالىگىن كورسەتسە بولدى. كەلەسى ءبىر مامان تسيفرلاندىرۋ جۇيەسىنىڭ قىزمەتىن پاتسيەنت­تەرگە ءتۇسىندىرىپ, مەديتسينالىق موبيل­دىك قوسىمشانى سمارتفونىنا ورنا­تىپ بەرەدى. ونىڭ قاسىندا قارت كىسى­لەرگە كومەگىن ۇسىناتىن تاعى ءبىر ما­مان جۇمىس ىستەيدى. ەنگىزىلگەن جاڭا­شىلدىقتارمەن تانىسقان مينيستر پاتسيەنتتەردىڭ بۇعان دەيىنگى كار­توتەكاسىن ساقتاپ قويۋدى, كەي جاع­دايدا قاجەت بولىپ قالۋى دا مۇم­كىن ەكەنىن ەسكەرتتى. سونداي-اق ەلجان ءبىرتانوۆ دارىگەرلەر مەن مەد­بيكەلەردىڭ بىلىكتىلىگىن ارتتىرۋ, مەديتسينالىق قىزمەتتەردىڭ ساپا­سىن جاقسارتۋ ماسەلەلەرىن ءسوز ەتتى. العاشقى مەديتسينالىق كومەك كور­سەتۋ­دى دامىتۋ قاجەتتىگىن جەتكىزدى. ءمينيستردىڭ ايتۋىنشا, بۇگىندە ءبىر ۋچاس­كەلىك دارىگەرگە 2500-3000 ادامنان قارالادى. كەلەشەكتە ول جۇكتەمە 1500-گە تۇسىرىلمەك. 

عالىمجان ەلشىباي,

«ەگەمەن قازاقستان»

تۇركىستان وبلىسى