ريم قالاسىنىڭ مەتروسىندا ەسكالاتوردىڭ ىستەن شىعۋىنان 30-عا جۋىق ادام زارداپ شەكتى: جەتەۋى اۋىر جاعدايدا, دەپ حابارلايدى تاسس اگەنتتىگى.
رەسەيدىڭ يتالياداعى ەلشىلىگىنەن ءمالىم ەتكەندەي, زارداپ شەككەندەردىڭ اراسىندا ماسكەۋلىك تسسكا فۋتبول كلۋبىنىڭ جانكۇيەرلەرى بار.
اگەنتتىكتىڭ حابارلاۋىنشا, «بارلىعى 30 ادام جاراقاتتاندى: جەتەۋى اۋىر جاعدايدا, تاعى بەس ادامنىڭ دەنساۋلىعى سالىستىرمالى جاعدايدا اۋىر دەپ باعالانۋدا, 18-ءى جەڭىل جاراقات العان». «Repubblica» ورتالىق مەترو ستانساسىندا وقيعا بولعان ۋاقىتتا تسسكا-«روما» ماتچىن تاماشالاۋ ءۇشىن وليمپيادالىق ستاديونعا بارا جاتقان رەسەي فەدەراتسياسىنىڭ ازاماتتارى دا بولعان.
وقيعا كۋاگەرلەرىنىڭ ايتۋىنشا, كەنەتتەن ەسكالاتور جىلدام قوزعالا باستاعان. جولاۋشىلار ءتۇسىپ ۇلگەرمەي, ءبىرىنىڭ ۇستىنە ءبىرى قۇلاي باستاعان. ولاردىڭ ءبىرى اياعىنان ايىرىلعان. مەترو الاڭىنا پوليتسيا قىزمەتكەرلەرى, قۇتقارۋ قىزمەتتەرىنىڭ كولىكتەرى دەرەۋ جەتكەن. مەترو ستانساسى جابىلدى.