مەملەكەت باسشىسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جولداۋىنىڭ باسىم باعىتتارىن ەل ىشىنە جەتە تۇسىندىرۋگە اتتانعان پارلامەنت دەپۋتاتتارىنىڭ ايماقتارعا جۇمىس ساپارلارى جالعاسۋدا.
باتىس قازاقستان وبلىسىنا جۇمىس ساپارىمەن كەلگەن سەنات دەپۋتاتتارى بىرعانىم ءايتىموۆا, ەربولات مۇقاەۆ جانە ناريمان تورەعاليەۆ تەرەكتى اۋدانىنا باردى. دەپۋتاتتار «جايىق-شالقار» ارناسىنداعى قالقىمالى سۋ ستانساسىنىڭ جۇمىسىمەن تانىستى. سەناتورلار اقجايىق اۋىلىنداعى بىرقاتار الەۋمەتتىك نىسانداردى ارالادى. كەزدەسۋلەر بارىسىندا سەنات دەپۋتاتتارى جولداۋدا كورسەتىلگەن باسىم مىندەتتەردىڭ ارقايسىسىنا جەكە-جەكە توقتالدى.
* * *
ءماجىلىس دەپۋتاتتارى, «نۇر وتان» پارتياسى فراكتسياسىنىڭ مۇشەلەرى ساكەن وتەباەۆ پەن باقىتگۇل حامەنوۆا اقتوبە كولىك, كوممۋنيكاتسيا جانە جاڭا تەحنولوگيالار كوللەدجى پەداگوگيكالىق ۇجىمىمەن كەزدەستى. باسقوسۋدا مەملەكەت باسشىسىنىڭ قازاقستان حالىنا جولداۋىنا وراي ەڭ تومەنگى جالاقىنىڭ ءوسىمى جانە پەداگوگتار مارتەبەسىن ءوسىرۋ جونىندە ماسەلەلەر قوزعالدى.
سونداي-اق دەپۋتاتتار قۇرالاي قاراكەن, ساكەن وتەباەۆ, باقىتگۇل حامەنوۆا جانە گەننادي شيپوۆسكيح قوبدا اۋدانىنداعى جيرەنقوپا اۋىلىنىڭ تۇرعىندارىمەن دە كەزدەستى.
* * *
سەنات دەپۋتاتى سەرىك جاقسىبەكوۆ ەلوردالىق كاسىپكەرلەرمەن كەزدەسۋ وتكىزىپ, ەلباسى جولداۋىنىڭ باستى باعىتتارىن جان-جاقتى ءتۇسىندىردى. سونداي-اق دەپۋتات جولداۋدا قويىلعان مىندەتتەردى ورىنداۋ بارىسىنداعى كاسىپكەرلەردىڭ رولىنە دە توقتالدى.
جۇزدەسۋدە قالالىق باسقارما باسشىلارىمەن بىرگە بيزنەستىڭ الەۋمەتتىك جاۋاپكەرشىلىگى, الەۋمەتتىك ارىپتەستىك ينستيتۋتىن دامىتۋ جانە جۇمىس بەرۋشىلەردىڭ «ەلەكتروندى ەڭبەك بيرجاسى» مەملەكەتتىك ينتەرنەت-رەسۋرسىن پايدالانۋى ماسەلەلەرى قىزۋ تالقىلاندى.
* * *
پارلامەنت ءماجىلىسىنىڭ ءبىر توپ دەپۋتاتى باتىس قازاقستان وبلىسىنا جاساعان جۇمىس ساپارى بارىسىندا ءۇش اۋىسىمدا وقيتىن №47 جالپى ءبىلىم بەرەتىن مەكتەپ جۇمىسىمەن تانىستى.
«نۇر وتان» پارتياسى فراكتسياسىنىڭ مۇشەلەرى ايزادا قۇرمانوۆا, ايگۇل نۇركينا, ءجاميلا نۇرمانبەتوۆا, سۆەتلانا بىچكوۆا جانە «اقجول» پارتياسى فراكتسياسىنان كەڭەس ابساتيروۆ جۇمىس ساپارى بارىسىندا ەلباسى جولداۋىنان تۋىندايتىن ماسەلەلەردى تالقىلاۋ ءۇشىن ورال قالاسىنىڭ زاچاگانسك اۋدانىنداعى №47 مەكتەپتى ارنايى ارالاپ كوردى.
* * *
سەناتورلار اڭسار مۇساحانوۆ پەن نۇرلان قىلىشباەۆ الماتى وبلىسىنىڭ ەسكەلدى, جامبىل, قاراساي جانە سارقان اۋداندارىندا ساپارمەن بولدى. ساپار بارىسىندا سەناتورلار بىرقاتار ونەركاسىپ جانە اۋىلشارۋاشىلىق كاسىپورىندارى مەن الەۋمەتتىك نىسانداردىڭ ۇجىمدارىمەن كەزدەسۋ وتكىزدى.
كەزدەسۋلەر بارىسىندا سەناتورلار ەلباسىنىڭ حالىققا ارناعان جولداۋىن ءتۇسىندىرىپ, پارلامەنتتىڭ زاڭ شىعارۋ قىزمەتىنىڭ ناتيجەلەرى تۋرالى اقپارات بەردى.
سونداي-اق دەپۋتاتتار قاتىسۋشىلاردىڭ جولداۋعا قاتىستى قويعان ساۋالدارىنا جاۋاپ بەردى.
* * *
اتىراۋ وبلىسىنا ارنايى جۇمىس ساپارىمەن كەلگەن پارلامەنت ءماجىلىسىنىڭ دەپۋتاتتارى بەيبىت مامىراەۆ, بەكبولات تىلەۋحان, نۇرلان ءابدىروۆ, مەيرام پىشەمباەۆ, تۇرعىن سىزدىقوۆ يساتاي اۋدانى تۇرعىندارىمەن كەزدەستى. حالىق قالاۋلىلارى ەل ءۇشىن ماڭىزدى قۇجاتتا ايتىلعان مىندەتتەرگە توقتالىپ, تۇرعىنداردىڭ ۇسىنىس-پىكىرلەرىن تىڭدادى. ساۋالدارىنا جاۋاپ بەردى.
زەينەتكەر عادىلجان ساعىناەۆ ۇستازدار مارتەبەسى تۋرالى زاڭ جوباسى قارالعاندا ءبىلىم دەڭگەيىن كوتەرۋمەن قاتار تاربيە ماسەلەسىن كۇشەيتۋگە دە نازار اۋدارۋعا ۇسىنىس بەردى.
* * *
سەنات دەپۋتاتتارى تولەۋبەك مۇقاشەۆ پەن دينار نوكەتاەۆا الماتى قالاسىنا جۇمىس بابىنداعى ساپار اياسىندا وسىنداعى كوپىر قۇرىلىسى زاۋىتىنىڭ تىنىسىمەن تانىستى. زاۋىت باسشىلىعى قازاقستاننىڭ ۇزدىك وندىرۋشىلەرى وندىرگەن تسەمەنت, شاعىل جانە باسقا دا بارلىق ماتەريالدار پايدالانىلاتىنىن جەتكىزدى. ال دەپۋتاتتار جينالعاندارعا ەلباسى جولداۋىنىڭ نەگىزگى ەرەجەلەرى تۋرالى ايتىپ بەردى.
* * *
پارلامەنت سەناتىنىڭ دەپۋتاتى جەڭىس نۇرعاليەۆ قوستاناي وبلىسىنىڭ قاراسۋ اۋدانىندا جۇمىس ساپارىندا بولىپ, مەملەكەت باسشىسىنىڭ جولداۋىن جۇرتشىلىققا تۇسىندىرۋگە وراي بىرقاتار كەزدەسۋ وتكىزدى.
سەناتور اۋدان اكتيۆىمەن, اۋىل شارۋاشىلىعى جانە الەۋمەتتىك سالانىڭ ماماندارىمەن, جۇرتشىلىق وكىلدەرىمەن كەزدەستى. جۇزدەسۋلەردە اگرارلىق سەكتوردى مەملەكەتتىك قولداۋ, حالىقتىڭ الەۋمەتتىك جاعدايىن جاقسارتۋ, ءبىلىم بەرۋ مەن دەنساۋلىق ساقتاۋ سالالارىندا ەڭبەك ەتەتىن قىزمەتكەرلەر مەن جۇمىسشىلاردىڭ مۇددەلەرىن قورعاۋ ماسەلەلەرىنە نازار اۋدارىلدى.
اقپاراتتار «ەگەمەن قازاقستاننىڭ» وڭىرلەردەگى تىلشىلەرىنەن الىندى