ەلدى ەلەڭدەتىپ وتىرعان جاڭاوزەن قالاسى تۇرعىندارىنىڭ جاعدايى ءبىر قالىپقا ءتۇسىپ كەلەدى. وعان ماڭعىستاۋعا جۇمىس ساپارىمەن ارنايى كەلىپ ورىن العان كەلەڭسىزدىكتەردى ءوز كوزىمەن كورىپ, حالىقپەن اڭگىمەلەسىپ ەلدى سابىرعا, بىرلىككە شاقىرعان ەلباسىنىڭ ناقتى تاپسىرمالارى ءوز جەمىسىن بەرە باستادى دەۋگە بولادى. بۇل رەتتە ءو.شوكەەۆ باسقارعان ۇكىمەتتىك كوميسسيانىڭ جاڭاوزەننىڭ عانا ەمەس, ايماق ادامدارىنىڭ كوڭىل-كۇيلەرىن ءبىلۋى, ءوتىنىش-تالاپتارىنا وراي «قاراجانباس» كەن ورنىنا بارىپ جۇمىسشىلارىمەن كەزدەسۋى, اقتاۋعا كەلىپ جۇمىستان بوساپ قالعان مۇنايشىلارمەن اشىق اڭگىمەلەسۋلەرى بارىسىندا ءاربىر ادامنىڭ ارىزى مۇقيات تەكسەرىلىپ, ادىلەتتى شەشىم الاتىندىعى ايتىلدى. جاڭاوزەندەگى جۇرتشىلىقپەن ءجۇزدەسۋدەگى وبلىس باسشىسى ب.مۇحامەتجانوۆتىڭ جاناشىرلىقپەن جەتكىزگەن ازاماتتىق سوزدەرى حالىقتى بىرلىككە, تۇسىنىستىككە, سابىرعا شاقىرا ءتۇستى. سونداي-اق, ەلباسىنىڭ تاپسىرماسىمەن 22 جەلتوقسان كۇنى جاڭاوزەن قالاسىنداعى وقيعالارعا بايلانىستى ازاماتتاردىڭ تالاپ-تىلەكتەرىن قابىلداپ, ساراپتايتىن تاۋەلسىز قوعامدىق كوميسسيا قۇرىلدى. ونىڭ توراعالىعىنا بەلگىلى قوعام قايراتكەرى, وبلىس اكىمى جانىنداعى ارداگەرلەر كەڭەسىنىڭ توراعاسى ءو.وزعانباەۆ بەكىتىلدى. بۇل كوميسسيا ءبىر اپتا ىشىندە تۇيتكىلدى دەگەن ءبىراز ماسەلەنىڭ انىق-قانىعىنا ءۇڭىلدى. اتاپ ايتساق, تارتىپسىزدىككە وراي ۇستالعاندار ءجابىر كورەدى نەمەسە جايسىز ورىندارعا ورنالاستى, اس-سۋ تاپشى ەكەن دەگەن سياقتى الىپ-قاشپا سوزدەرگە وراي كوميسسيا مۇشەلەرى ۋاقىتشا ۇستاۋ ورىندارىندا بولدى. قاماۋدا وتىرعاندارمەن كەزدەستى. ونىڭ ءبارى دە ارانداتۋشى سوزدەر ەكەندىگىنە كوز جەتكىزدى. بالالارى, اعايىن-تۋمالارى ءىز-ءتۇسسىز كەتتى, دەگەن اڭگىمەلەر دە بوس ءسوز بولدى. ونىڭ ءبارى حالىققا تەلەديدار ارقىلى كورسەتىلدى, ايتىلدى. اتالمىش كوميسسيا بۇل كۇندەرى وبلىستا جۇمىس جاساۋداعى باس پروكۋراتۋرانىڭ تەرگەۋ توبىنىڭ باسشىسىمەن جاڭاوزەن قالاسىنىڭ كومەنداتىمەن ءجيى كەزدەسىپ, بىرلەسە جۇمىس ىستەۋدە, دەيدى ومىرزاق وزعانباەۆ.
ۇكىمەتتىك كوميسسيا مۇشەلەرىنە تۇسكەن ماڭىزدى ساۋال قايعىلى وقيعا كەزىندە قىرۋار شىعىنعا ۇشىراعاندارعا قانداي كومەك بولادى دەگەن ماسەلە ەدى. كوميسسيا توراعاسى ءو.شوكەەۆ ءاربىر جەكە تۇلعا, كاسىپكەردىڭ شەككەن زيانى انىق ەسەپتەلىپ, انىقتالسا بانكتەر جەڭىلدەتىلگەن نەسيەلەر بەرۋدى قولعا الاتىندىعىن ايتقان. وسى اپتادا حالىق بانكىنىڭ سول ۋاجگە بايلانىستى جەكە تۇلعالارمەن جۇمىستى باستاۋعا ءازىر ەكەندىكتەرى بەلگىلى بولدى. سونداي-اق, وتكەن ماقالامىزدا قازا بولعانداردىڭ وتباسىنا 1 ميلليون, اۋىر جاراقات العاندارعا 500 مىڭ تەڭگە كولەمىندە كومەك بەرىلەتىندىگىن ايتقانبىز. ول كومەك قوعامدىق قور ەسەبىنەن ەكەندىگى ايتىلعان. ول قورعا ءىرى كاسىپورىندارمەن قاتار جەكە ازاماتتار دا قارجى اۋدارۋدا ەكەندىگىن ايتقىمىز كەلەدى.
ونىڭ رەكۆيزيتتەرى:
«دەمەۋ» جەكە قورى, رنن 430100272091, او «نارودنىي بانك كازاحستانا» بيك HSBKKZKX, بين 100340008680, كبە 18
№KZ 11601023100052615
ۇكىمەتتىك كوميسسيا جۇمىستان شىعارىلعان مۇنايشىلارمەن كەزدەسۋلەر كەزىندە وبلىستا ەكى كاسىپورىن 2012 جىلدىڭ 15 قاڭتارىنا دەيىن قۇرىلاتىندىعىن حابارلاپ, ارىزداردى قابىلداۋ قاڭتاردىڭ سوڭىنا دەيىن عانا جۇرگىزىلەتىندىگىن قاپەرگە بەردى. سوعان وراي ول جەرلەرگە ارىز بەرۋشىلەر سانى وسكەنى بايقالادى.
قازىرگى ۋاقىتتا «قاراجانباسمۇناي» اق-قا جانە «وزەنمۇنايگاز» وندىرىستىك فيليالىنا جۇمىسقا ورنالاستىرۋ جونىندە 400-دەن استام ادام ءوتىنىش ءبىلدىرىپتى. بۇل الدىڭعى كۇندەردەن ءۇش ەسە كوپ. سونداي-اق, قالاداعى ءب ۇلىنگەن نىسانداردى قالپىنا كەلتىرۋگە جۇمىس جاساۋعا تىلەك بىلدىرۋشىلەر قاتارى دا الدىڭعى كۇندەردەگىدەن 1,5 ەسە كوبەيىپ وتىرعانى بەلگىلى بولدى. «وزەنمۇنايگاز» وندىرىستىك فيليالىنىڭ ۇجىمى تۇگەلدەي جۇمىسقا شىقتى. مۇنىڭ ءبارى جاڭاوزەن وڭ وزگەرىستەرگە بەت الدى دەگەن ءسوز. قالا كومەندانتى شتابىنىڭ مالىمەتى بويىنشا سوڭعى تاۋلىكتە توتەنشە جاعداي ءتارتىبىن بۇزۋ, قىلمىس جاساۋ فاكتىلەرى تىركەلمەپتى. قالادا حالىق تۇتىناتىن تاۋارلار مولايا تۇسكەن. ازىق-ت ۇلىك باعاسى دا ءبىر دەڭگەيدە, قوعامدىق كولىك پەن قالاارالىق بايلانىستا ىركىلىس بايقالمايدى.
جولامان بوشالاق.
ماڭعىستاۋ وبلىسى.