كريشتيانۋ رونالدۋ جاقىن ارادا ءوز قۇراماسىمەن بىرگە فۋتبول الاڭىنا ورالا الادى. بۇل جاڭالىقتى باس باپكەر فەرناندۋ سانتۋش تا جوققا شىعارماي وتىر, دەپ حابارلايدى euronews.
بۇعان دەيىن ويىنشىنىڭ ۇلتتىق كوماندانىڭ قازان جانە قاراشا ايىنداعى ماتچتارىنا قاتىسپايتىنى بەلگىلى بولدى. ايتىلعان سەبەپتەر ارقيلى. ولاردىڭ ىشىندەگى ەڭ باستى سەبەپ - فۋتبولشىنىڭ ءوز ءوتىنىشى.
فەرناندۋ سانتۋش, پورتۋگاليا قۇراماسىنىڭ باس باپكەرى: «رونالدۋ بۇل كومانداعا تولىق بەرىلگەن جان. سوندىقتان ول كومانداعا قايتا ورالمايدى دەپ ويلاۋعا سەبەپ جوق. ءبىز الەمنىڭ ۇزدىك فۋتبولشىسى تۋرالى ايتىپ وتىرمىز. مەن سىزدەردىڭ سۇراقتارىڭىزدى تۇسىنەمىن, بىراق مەن رونالدۋ جوق كەزدە بۇل تاقىرىپتى تالقىلاعىم كەلمەيدى. ازىرگە مۇنداعى ويىنشىلارعا كوڭىل ءبولۋ كەرەك. مەن وسى فۋتبولشىلارعا سەنىم ارتامىن جانە جاقىن اراداعى ماتچ كەزىندە تاماشا ويىن كورسەتە الاتىنىمىزعا سەنىمدىمىن» [پولشاعا قارسى]