2011 جىلعى 30 قاراشا, استانا, ۇكىمەت ءۇيى ارنايى ەكونوميكالىق ايماققا قاتىسۋشى رەتىندەگى قىزمەتتى جۇزەگە اسىرۋ تۋرالى ۇلگى شارتتاردى بەكىتۋ تۋرالى «قازاقستان رەسپۋبليكاسىنداعى ارنايى ەكونوميكالىق ايماقتار تۋرالى» قازاقستان رەسپۋبليكاسىنىڭ 2011 جىلعى 21 شىلدەدەگى زاڭى 4-بابىنىڭ 8) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان: 1) باسقارۋشى كومپانيا مەن ارنايى ەكونوميكالىق ايماق قاتىسۋشى اراسىنداعى ارنايى ەكونوميكالىق ايماققا قاتىسۋشى رەتىندەگى قىزمەتتى جۇزەگە اسىرۋ تۋرالى ۇلگى شارت; 2) ەلوردانىڭ جەرگىلىكتى اتقارۋشى ورگانىنىڭ مەملەكەتتىك مەكەمەسى مەن ارنايى ەكونوميكالىق ايماققا قاتىسۋشى اراسىنداعى ارنايى ەكونوميكالىق ايماققا قاتىسۋشى رەتىندەگى قىزمەتتى جۇزەگە اسىرۋ تۋرالى ۇلگى شارت بەكىتىلسىن. 2. ارنايى ەكونوميكالىق ايماقتىڭ باسقارۋ ورگاندارى شارتتى دايىنداۋ جانە جاساسۋ كەزىندە وسى قاۋلىنىڭ 1-تارماعىمەن بەكىتىلەتىن ارنايى ەكونوميكالىق ايماققا قاتىسۋشى رەتىندەگى قىزمەتتى جۇزەگە اسىرۋ تۋرالى ۇلگى شارتتاردىڭ ەرەجەلەرىن باسشىلىققا السىن. 3. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
تولىق ءماتىن