«ازاماتتىق قوعام جانە مەملەكەت: ىنتىماقتاستىق, جاۋاپكەرشىلىك, ديالوگ» اتتى ازاماتتىق فورۋم وبلىستا سەگىزىنشى رەت وتكىزىلدى. وعان قاتىسقان وڭىردەگى ۇكىمەتتىك ەمەس ۇيىمدار, ساياسي پارتيالار, ۇيىمدار وكىلدەرى, قوعامدىق بەلسەندىلەرىمەن قاتار قوعامدىق دامۋ مينيسترىلىگىنىڭ وكىلى قايرات بايمولدينوۆ, قازاقستان ازاماتتىق قوعام اليانسىنىڭ ۆيتسە-پرەزيدەنتى مۇساعالي دۋامبەكوۆ, «ازاماتتىق باستامالاردى قولداۋ ورتالىعى» ۇلتتىق اكتسيونەرلىك قوعامىنىڭ باسقارما توراعاسىنىڭ ورىنباسارى گۇلنار ورالوۆا قاتىسىپ, كۇنى بويى جۇمىس ىستەدى. تۇسكە دەيىن ديالوگ الاڭدارىندا پىكىر الماسۋ بولدى, مينيسترلىككە, ازاماتتىق اليانسقا ولاردىڭ وكىلدەرى ارقىلى ۇسىنىستار جاسالدى.
قوستاناي وبلىسى مەملەكەت پەن ازاماتتىق قوعامنىڭ ىنتىماقتاسا جۇمىس ىستەۋى جونىنەن رەسپۋبليكادا الدىڭعى قاتاردان كورىنىپ كەلەدى. قازىر وبلىستا 101 ۇكىمەتتىك ەمەس ۇيىم تىركەلگەن, ونىڭ ىشىندە 609 ۇيىم بەلسەندى جۇمىس ىستەيدى. وبلىس اكىمىنىڭ ورىنباسارى مارات جۇندىباەۆ فورۋمنىڭ پلەنارلىق ماجىلىسىندە قازاقستاندىقتاردىڭ الەۋمەتتىك جاعدايىنىڭ جاقسارۋى مەملەكەت ساياساتىنىڭ باستى ۇستانىمى ەكەنىن ايتتى.
– قازاقستان ەگەمەندىگىن العاننان كۇننەن باستاپ, حالىقتىڭ ءال-اۋقاتىنا باستى كوڭىل ءبولىپ كەلەدى. ۇكىمەتتىك ەمەس ۇيىمدار مەملەكەتتىك ورگاندار ارىپتەستىگى جاقسى دامىپ كەلەدى. بۇگىندە وبلىستا اكىمياتتار قۇرىلىمدارى مەن قوعامدىق, ۇكىمەتتىك ەمەس ۇيىمداردىڭ ارىپتەستىگى 17 باعىتتا كەڭەيىپ وتىر, –دەدى مارات قونىسباي ۇلى.
وبلىستا ازاماتتىق فورۋم ەندى ەكى جىلدان كەيىن وتەتىن بولادى.
ءنازيرا جارىمبەت,
«ەگەمەن قازاقستان»
قوستاناي