وزبەكستاننىڭ ەكونوميكا مينيسترلىگى «ساۋدا نارىعىنداعى باسەكەلەستىكتى ارتتىرۋ مەن ساۋدانى ىرىقتاندىرۋ جونىندەگى شارالار» زاڭ جوباسىن ۇسىندى, دەپ حابارلايدى وزبەكستاننىڭ ەكونوميكا مينيسترلىگى.
جوبادا «2019 جىلدىڭ 1 قاڭتارىنان باستاپ كوتەرمە ساۋدانى جۇرگىزۋگە ليتسەنزيا جانە كوتەرمە ساۋدا كاسىپورىندارىنا سالىق سالۋدىڭ ەرەكشە ءتارتىبى تۋرالى تالاپتاردى جويۋ تۋرالى ەكونوميكا مينيسترلىگىنىڭ, قارجى مينيسترلىگىنىڭ, وزبەكستان رەسپۋبليكاسى مەملەكەتتىك كوميتەتىنىڭ ۇسىنىستارىمەن كەلىسىلسىن", دەلىنگەن.
بۇدان باسقا, كاسىپكەرلەر مەرزىمى وتكەن دەبيتورلىق قارىز ءۇشىن سانكتسيالاردان, ىشكى نارىقتاعى كەلىسىمدەر بويىنشا الدىن الا 15% تولەمنەن جانە تابيعي گازدى شامادان تىس تۇتىنعانى ءۇشىن ايىپپۇلدان قۇتىلادى. سونداي-اق, 1 قازاننان باستاپ زاڭدى تۇلعالارعا ساتىپ الۋ-ساتۋ شارتتارىن جاساماستان كورپوراتيۆتىك بانكتىك كارتالارمەن قولما-قول اقشاسىز ەسەپ ايىرىسۋعا رۇقسات ەتىلدى