ءماجىلىس سپيكەرى نۇرلان نىعماتۋليننىڭ توراعالىعىمەن جالپى وتىرىس ءوتتى. وندا دەپۋتاتتار اۋە كەمەلەرىندە جاسالاتىن قىلمىستارعا قارسى كونۆەنتسيالاردى ماقۇلدادى.
وتىرىستا اۋە كەمەلەرىنىڭ بورتىندا جاسالاتىن قىلمىستار جانە كەيبىر باسقا دا اكتىلەر تۋرالى كونۆەنتسيانى (1963 جىلعى, توكيو) جانە اۋە كەمەلەرىنىڭ بورتىندا جاسالاتىن قىلمىستار جانە كەيبىر باسقا دا اكتىلەر تۋرالى كونۆەنتسيانى وزگەرتەتىن حاتتامانى (2014 جىلعى, مونرەال) راتيفيكاتسيالاۋ تۋرالى زاڭ جوباسى تالقىلاندى.
راتيفيكاتسيالاۋدىڭ ماقساتى حالىقارالىق ازاماتتىق اۆياتسيا ۇيىمى اسسامبلەياسىنىڭ 39-ءشى سەسسياسىنىڭ شەشىمىن جۇزەگە اسىرۋ بولىپ تابىلادى.
بۇل حالىقارالىق شارتتار اۋە كەمەلەرىنىڭ بورتىندا ءتارتىپسىز مىنەز-ق ۇلىقتىڭ جولىن كەسۋ جانە تارتىپكە باقىلاۋ جاساۋعا باعىتتالعان.
كونۆەنتسياعا سايكەس, قاتىسۋشى-مەملەكەتتەر, ەگەر ولار ۇشاق تىركەلگەن مەملەكەت بولىپ تابىلسا نەمەسە ول اۋە كەمەسىن قوندىرعان مەملەكەت رەتىندە كورىنسە اۋە كەمەسىنىڭ بورتىندا جاسالعان قىلمىستارعا قاتىستى وزدەرىنىڭ يۋريسديكتسياسىن جۇزەگە اسىرۋعا قۇقىلى.
كونۆەنتسيا مەن حاتتامادا, سونداي-اق, اۋە كەمەسىنىڭ كومانديرلەرى مەن ەكيپاج مۇشەلەرىنىڭ ۇشۋ كەزىندە ءتارتىپسىز جولاۋشىلارعا قولداناتىن شەكتەۋ شارالارى بويىنشا وكىلەتتىكتەرى انىقتالدى جانە كەڭەيتىلدى.
حاتتامادا ەكيپاج مۇشەلەرىنە, جولاۋشىلارعا جانە قاۋىپسىزدىك قىزمەتى قىزمەتكەرلەرىنە ءتارتىپسىز جولاۋشىلارعا قاتىستى الدىن الۋ شارالارىن قولدانۋعا مۇمكىندىك بەرەتىن نورمالار كوزدەلگەن.
قازاقستان رەسپۋبليكاسىنىڭ قولدانىستاعى قىلمىستىق جانە اكىمشىلىك كودەكستەرىندە وسى ارەكەتتەر ءۇشىن جاۋاپكەرشىلىك قاراستىرىلعان.
وسى حالىقارالىق شارتتاردىڭ جۇزەگە اسۋى اۋە كەمەسىنىڭ بورتىندا مازاسىز جانە ءتارتىپسىز جولاۋشىلارمەن پروبلەمالاردى شەشۋگە جاردەمدەسەدى.
وسى ەرەجەلەردى قابىلداۋ بىرىككەن ۇلتتار ۇيىمى قاۋىپسىزدىك كەڭەسىنىڭ تەرروريزمگە قارسى تۇرۋ, سونداي-اق ازاماتتىق اۆياتسيا قوزعالىسىنىڭ قاۋىپسىزدىگى قاتەرىنە ءتيىستى دارەجەدە ارەكەت ەتۋ تالاپتارىنا سايكەس كەلەدى.
سونداي-اق, «اۋە كەمەلەرىن زاڭسىز باسىپ الۋعا قارسى كۇرەس تۋرالى كونۆەنتسيانى جانە اۋە كەمەلەرىن زاڭسىز باسىپ الۋعا قارسى كۇرەس تۋرالى كونۆەنتسيانى تولىقتىراتىن حاتتامانى راتيفيكاتسيالاۋ تۋرالى» زاڭ جوباسى دا دەپتۋتاتتار تالقىسىنا ۇسىنىلدى. اۋە كەمەلەرىن زاڭسىز باسىپ الۋعا قارسى كۇرەس تۋرالى كونۆەنتسيانى تولىقتىراتىن حاتتاما 2010 جىلعى 10 قىركۇيەكتە پەكيندە جاسالدى.
حاتتاما اۋە كەمەسىن زاڭسىز باسىپ الۋ اكتىلەرىنىڭ ءتىزىمىن كەڭەيتەدى. اتاپ ايتقاندا, اەروناۆيگاتسيالىق جۇيەلەرىنە ارالاسۋ جانە كيبەر-شابۋىلدار قولدانۋ ارقىلى اۋە كەمەلەرىنە قوسىمشا باقىلاۋ ەنگىزىلدى. ەگەر بىرەۋ وسىنداي قىلمىس جاساۋ قاتەرىن توندىرسە, ول دا قىلمىس دەپ ەسەپتەلىنەدى.
حاتتاماعا قىلمىستىق ارەكەتتەرگە قاتىسۋدىڭ ءارتۇرلى فورمالارى ەنگىزىلدى. ماسەلەن, قىلمىس جاساۋعا وقتالعان, ونى ۇيىمداستىرعان, سەرىكتەس رەتىندە قاتىسقان, باسقا ادامعا جاۋاپكەرشىلىكتەن قاشۋىنا ادەيى كومەكتەسكەن, ءبىر نەمەسە بىرنەشە اداممەن قىلمىس جاساۋعا ءسوز بايلاسقان ادامدار قىلمىسقا قاتىسۋشىلار بولىپ تابىلادى.
بۇگىن پالاتا وتىرىسىندا ءماجىلىس «2018-2020 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن جۇمىسقا الدى.
سونىمەن قاتار, دەپۋتاتتار «قازاقستان رەسپۋبليكاسىنىڭ كەيبىر كونستيتۋتسيالىق زاڭدارىنا قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى ماسەلەلەرى بويىنشا وزگەرىستەر ەنگىزۋ تۋرالى» كونستيتۋتسيالىق زاڭ جوباسىن, سونىمەن قاتار وعان ىلەسپە زاڭ جوباسىن جۇمىسقا الدى.
جاڭا زاڭ جوبالارىنىڭ قاتارىندا دەنە شىنىقتىرۋ جانە سپورت ماسەلەلەرىنە قاتىستى زاڭ جوباسى مەن قازاقستان مەن ءۇندىستان ۇكىمەتتەرى اراسىنداعى بۇۇ-نىڭ ليۆانداعى ۋاقىتشا كۇشتەرىندەگى (بۇۇلۋك) ۇندىستاندىق باتالون قۇرامىندا قازاقستاندىق بىتىمگەرشىلىك كونتينگەنتتى بىرلەسىپ ورىستەتۋ ءتارتىبى تۋرالى ءوزارا تۇسىنىستىك تۋرالى مەموراندۋمدى راتيفيكاتسيالاۋ تۋرالى زاڭ جوباسى بار.
جالپى وتىرىس سوڭىندا حالىق قالاۋلىلارى ورتالىق مەملەكەتتىك اتقارۋشى ورگاندارلىڭ باسشىلارىنا بىرنەشە دەپۋتاتتىق ساۋالدار جولدادى. ولار گ.ششەگەلسكي, ءا. بەكتۇرعانوۆ, س. يماشەۆا, م. ماحامبەتوۆ, ت. سىزدىقوۆ, م. تەمىرجانوۆ, ب. ماكەن, ا. پەرۋاشەۆ.