اۋليەاتا انگە بولەندى

اۋليەاتا توپى­را­عىندا دۇنيەگە كەلىپ, ارمان ارقالاپ الما­تىعا اتتانعان ول قازاق مۋزىكا ونەرىندە وزىن­دىك دەڭگەيگە كوتە­رىلدى. ءار جىلدارى «گۇل­دەر», «دوسمۇقاسان» ان­سام­بلىندە قىزمەت اتقار­دى. ونىڭ اندەرىن حا­لىق ءارتىسى ماقپال ءجۇنى­سو­ۆا, ەرال­حان ابىشەۆ, جۇ­بانىش جەك­سەن ۇلى سياق­تى انشى­لەر شىرقاپ, تىڭدارمان جۇرەگىنە ۇيالات­قان بولاتىن.

كۇز مەزگىلى كەلىپ, كۇرەڭ تۇسكەندە نۇرلان باي­گوزوۆ تاراز قالاسىنا كەلىپ, «بالا­ساعۇن» ورتا­لىق كونتسەرت زالىندا «تارازىم­نىڭ التىن كۇزى» اتتى ەس­ترادا جانە دجاز مۋزىكا فەستي­ۆالىن وتكىزدى. 

نۇرلان بايگوزوۆ تەك ديريجەر, كومپوزيتور عانا ەمەس, ءان ارلەۋشى رەتىندە دە تانىمال. دجاز جانرىن قايتا ورالتىپ, مۋزىكا ونە­رىنە سونى سوقپاق سالدى. بۇل كەشتە بارلىق تۋىندىلار ەسترادالىق وركەستردىڭ سۇيەمەلدەۋىمەن ورىندالدى. اۋەلى كومپوزيتوردىڭ ءوزى جاڭاشا باعىتتا ارلە­گەن «قىزدار-اي» اتتى حا­لىق ءانىن «X band» توبى ناقىشىنا كەلتىرە ورىندادى.

فەستيۆال بارىسىندا جۇبانىش جەكسەن ۇلى, ەرالحان ابىشەۆ, داۋ­رەن سەيىتجان, سايا ما­حام­بەت جانە وزگە دە ونەر­پازدار نۇرلان باي­گو­زوۆ شىعارمالارىن شىنايى ورىندادى. ال كومپوزيتوردىڭ كۋبالىق دوستارىنا ارناپ جازعان «ي سنوۆا كارناۆال» اتتى ءانىن ەسترادالىق وركەس­تر مۇ­شەلەرى جوعارى دەڭ­­گەي­دە ورىنداپ, تىڭ­دارماننىڭ كوڭىلىنەن شىقتى. سونىمەن قاتار ونەر يەسىنىڭ ۇلى ەربول بايگوزوۆ ءوزىنىڭ ولەڭدەرىن وقىپ, كوپشىلىكتى ءبىر سەر­­پىلتتى. ەڭ باستىسى, كوپ­شىلىك كەش بارىسىندا شىرقالعان نۇرلان بايگوزوۆتىڭ «اناعا ارناۋ», «اداسقان شاعالا», «ساعىنىش تامشىسى», «قازاق دالاسى» سياقتى اندەرى قازاق ونەرىنە قو­سىل­­عان ۇلەس ەكەنىن ءتۇي­سىنىپ قايتتى. كوپشىلىك تىڭ­دارمان كومپوزيتورعا دەگەن قۇرمەتىن كورسەتتى. ونەرگە دەگەن ادالدىعىن ساقتاعان ساڭلاقتىڭ اۋليە­اتا اسپانىن انگە بولە­گەن ءساتىن ەرەكشە باعالادى.

حاميت ەسامان,

«ەگەمەن قازاقستان»

جامبىل وبلىسى