12 قازان كۇنى تاشكەنتتە تمد ەلدەرىنىڭ قورعانىس مينيسترلەرىنىڭ كەڭەسى وتەدى, دەپ حابارلايدى «ترەند» اقپاراتتىق اگەنتتىگى.
قورعانىس ۆەدومستۆولارىنىڭ باسشىلارىنىڭ كەڭەسىندە ورتالىق ازياداعى وزەكتى ماسەلەلەر مەن حالىقارالىق تەرروريزمگە قارسى شارالار, تمد ەلدەرى اراسىنداعى اسكەري ىنتىماقتاستىقتى كۇشەيتۋ, حيميالىق, بيولوگيالىق, رادياتسيالىق جاعدايدى باقىلاۋ جۇيەسى ءسوز بولادى.
بۇدان باسقا, ۇلى وتان سوعىسىنىڭ 75 جىلدىعىنا ارنالعان ءىس-شارالار مەن بىرىككەن مەملەكەتتىك راديولوكاتسيالىق تانۋ جۇيەسى كونتسەپتسياسى, اۋە كۇشتەرى ماسەلەسى دە قاراستىرىلماق.
تمد ەلدەرىنىڭ قورعانىس مينيسترلەرىنىڭ كەڭەسى 1992 جىلى قۇرىلعان. كەڭەس قۇرامىندا قازاقستان, قىرعىزستان, رەسەي, تاجىكستان, وزبەكستان, بەلارۋس, ارمەنيا, ازەربايجان مەملەكەتتەرىنىڭ وكىلدەرى بار. كەڭەس تمد ەلدەرىنىڭ اسكەري ىنتىماقتاستىعى ماسەلەسىن, اسكەري ساياسات سۇراقتارىن, قارۋلى شيەلەنىستەردى شەشۋ مەن الدىن الۋعا باعىتتالعان ءىس-شارالارمەن اينالىسادى.