كوگىلدىر ەكراننىڭ الدىنا «باتىس» وڭىرلىك قولباسشىلىعىنىڭ بارلىق وفيتسەرلەرى مەن سەرجانتتارى, ساربازدارى مەن ازاماتتىق پەرسونالى جينالدى.
«باتىس» وڭىرلىك قولباسشىلىعى اسكەري قىزمەتشىلەرىنىڭ تولىق قۇرامى مەملەكەت باسشىسىنىڭ قازاقستان حالقىنا ارنالعان «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىن تاماشالادى.
- جولداۋ – مەملەكەتىمىزدىڭ ماڭىزدى قۇجاتى, ءارى وقيعاسى بولىپ تابىلادى. بۇگىنگى جاھانداعى قالىپتاسقان احۋالدى ەسكەرە وتىرا, بۇل جولداۋدى وتە ورىندى جانە ۋاقىتىلى دەپ سانايمىن. اسكەري قىزمەتشىلەرىمىزدە وسى جولداۋدان كەيىن مەملەكەتىمىزدىڭ جاۋىنگەرلىك دايارلىعىن نىعايتىپ, اسكەرىمىزدىڭ الەۋەتىن ارتتىرۋعا قوسىمشا جىگەر مەن كۇش پايدا بولادى دەپ ويلايمىن, دەدى «باتىس» وڭىرلىك قولباسشىلىعىنىڭ اسكەرلەرى قولباسشىسى گەنەرال-مايور قانىش ابۋباكيروۆ.
- مەملەكەت باسشىسى ءوز جولداۋىندا ءتۇرلى ۆەكتورلارعا باسىمدىلىق جاساۋ قاجەتتىگىن ەسكەردى. ول جىل سايىن, جولداۋدىڭ ورىندى جانە الەۋمەتتىك-ەكونوميكالىق ماڭىزدىلىعى بولۋى ءۇشىن ءتۇرلى باعىتتارمەن تولىقتىرىپ وتىرادى. اسكەري قىزمەتشىلەرىمىز بولسا, جولداۋدا ايتىلعان جاستاردىڭ اسكەري-پاتريوتتىق تاربيەسىنە, ءبىلىم الۋ, ازاماتتاردىڭ «رۋحاني جاڭعىرۋىنا» بەلسەندى اتسالىسىپ, قولدايدى دەپ سانايمىن, دەدى قولباسشىنىڭ تاربيە جانە يدەولوگيالىق جۇمىستارى جونىندەگى ورىنباسارى پودپولكوۆنيك سەرىك سەيىتباەۆ.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى