بۇگىنگى جەڭىس, ەرتەڭگى تاريح

ەۋروپا ليگاسىنىڭ توپتىق كەزەڭىنە ءتورتىنشى جىل قاتارىنان شىققان ەل چەمپيونى استانا ابىرويىمىزدى اسقاقتاتتى. العاشقى ويىندا وتاندىق كوماندا "دينامو" كومانداسىمەن كيەۆتەگى ويىندا تەڭ ءتۇسىپ, 1 ۇپاي ەنشىلەگەن ەدى. ەندى بۇل جولى فرانتسيانىڭ ورتاڭقول ۇجىمىن تىزەرلەتتى. "استانا-ارەناعا" جينالعان 25 مىڭ جانكۇيەر تاعى ءبىر جەڭىستىڭ كۋاسى بولدى. الدىمەن بۇرىشتاما كەزىندە باحتيەر زاينۋتدينوۆ گول سوقتى. ويىننىڭ سوڭىنا قاراي قاقپاشىمەن بەتپە-بەت شىققان مارين توماسوۆ ەسەپتى ەسەلەدى. 2:0.

گريگوري بابايان, "استانا" باپكەرى: - قازاقستان چەمپيوناتىندا جىلدامدىقتار باسقاشا. سوندىقتان دا, وسى ويىننىڭ سوڭىندا ءبىز قاتتى شارشادىق. ءتىپتى, زاينۋتدينوۆ شارشاعانىن ءبىلدىرتىپ, ءوزىنىڭ الماسقىسى كەلەتىنىن ءبىلدىرتتى. دەگەنمەن, بۇكىل قازاقستاندى جەڭىسپەن قۇتتىقتايمىن. 

سابري ليامۋشي, "رەنن" باپكەرى:  - قازاقستان وتە شالعايدا ەكەن. ءبىز ۇزاق جول جۇردىك. سودان دا بولار, ويىنعا تىڭعىلىقتى دايىندالىپ ۇلگەرمەدىك. ويىندا بولعان مۇمكىندىكتەرىمىزدى پايدالانا المادىق. دالدىك جەتىسپەدى. "استانا" بولسا كەرىسىنشە, بار مۇمكىندىگىن گولعا اينالدىردى.  

وسى ويىندا العان 3 ۇپايدىڭ ارقاسىندا "استانا" ءوز توبىنداعى ءبىرىنشى ورىنعا شىقتى. سەبەبى, "دينامو" كيەۆ كومانداسى سىرت الاڭدا چەحيانىڭ "يابلونەتس" دەگەن كومانداسىمەن تەڭ ءتۇستى. نەگىزى ويىن بارىسىندا 2:0 ەسەبىمەن جەڭىپ جاتقان ۋكراينالىقتار قاقپالارىنا 2 دوپ جىبەرىپ الدى. دەمەك, قازىر ەكىنشى ورىندا 3 ۇپايى بار "رەنن" تۇر دەگەن ءسوز. 

ەندى گريگوري بابايان شاكىرتتەرى 25-قازان كۇنى سىرت الاڭدا چەحيانىڭ "يابلونەتس" كلۋبىمەن كەزدەسەدى. جالپى تۋرنيرلىك كەستەگە كوز جۇگىرتسەك, ەلوردالىق كلۋبتىڭ كەلەسى كەزەڭگە وتەتىن مۇمكىندىگى مولايا تۇسكەنىن بايقايمىز. قالعان 4 ويىندا 2 جەڭىس تىركەسەك نەمەسە 3 تەڭ ويىن ويناساق ەۋروپا ليگاسىنىڭ پلەي-وفف ساتىسىنا شىعۋعا مۇمكىندىك تۋادى. 

N كوماندالار و ۇ ت ج د ۇ 1  استانا 2 1 1 0 4-2 4 2  رەنن 2 1 0 1 2-3 3 3  دينامو ك 1 0 1 0 2-2 1 4  يابلونەتس 1 0 0 1 1-2 0