قازاقستاندا تۇڭعىش رەت «Al Hilal» يسلام بانكى» اق يسلام يپوتەكاسىن باستادى.
يسلام قارجى پرينتسيپتەرىمەن قۇرىلعان جاڭا ءونىمدى الماتى, استانا جانە شىمكەنت قالالارىنىڭ تۇرعىندارى باسپانا الۋ ءۇشىن, بۇرىن العان يپوتەكانى قايتا قارجىلاندىرۋ ءۇشىن قازىردەن باستاپ الۋىنا بولادى.سونداي-اق, , يپوتەكانى ءدىني سەنىمىنە قاراماي, كەز كەلگەن ادام الا الادى.
يسلام يپوتەكاسىنىڭ باستى قۇرالى مۋراباحا ءداستۇرلى پايىزدىق مولشەرلەمەنىڭ جوقتىعىمەن ەرەكشەلەنەدى, سەبەبى شاريعاتتا بۇعان تىيىم سالىنعان. يپوتەكا قۇرىلىمى مىناداي: بانك تۇرعىن ءۇي ساتىپ الادى دا, ونى كليەنتكە ۇستەمە باعامەن ءبولىپ تولەۋگە بەرەدى, ۇستەمە باعانى كليەنت الدىن الا بىلەدى جانە قارجىلاندىرۋ بارىسىندا ول تۇراقتى بولادى. مۇنىڭ نەگىزى اشىقتىق جانە پايدا: كليەنت تۇرعىن ءۇيدىڭ اقىرعى باعاسىن ناقتى بىلەدى.
بۇل ءونىمنىڭ تاعى ءبىر ەرەكشەلىگى – قولايلى تولەم جاساۋ ءتاسىلى. كليەنتتەردىڭ باسىم كوپشىلىگى ءداستۇرلى بانكتىڭ اقشالاي تولەمىن (اننۋيتەت) وڭتايلى سانايدى, بىراق ونى تاڭداعان كەزدە يپوتەكانىڭ اقىرعى قۇنى يپوتەكانىڭ مەرزىمىنە قاراي ايتارلىقتاي ۇلعايىپ كەتەدى. Al Hilal بانكىنىڭ يسلام يپوتەكاسى بويىنشا تولەم جاساۋ سحەماسى قارجىلاندىرۋ مەرزىمى بارىسىندا تەڭ تولەم جاساۋدى قاراستىرادى, بۇل اننۋيتەتكە ۇقسايدى, بىراق ءداستۇرلى بانكتەرگە ءتان ارتىق تولەم بولمايدى.
«قازاقستانداعى يسلام بانكينگىن دامىتۋدا يسلام يپوتەكاسىن ىسكە قوسۋ ماڭىزدى قادام. بۇل جەكە تۇلعالاردى قارجىلاندىرۋ باعدارلاماسىنىڭ العاشقى ءونىمى. كليەنتتەر ءبىزدىڭ ءونىمىمىزدىڭ ارتىقشىلىقتارىن, ەرەكشە جانە ءتيىمدى شارتتارىن باعالايدى دەپ ۇمىتتەنەمىز», - دەدى «Al Hilal» يسلام بانكى» اق باسقارما توراعاسىنىڭ ورىنباسارى ەلتاي مۇحامەدجانوۆ.