ەلباسى نۇرسۇلتان نازارباەۆ جىل سايىنعى جولداۋىندا وسكەلەڭ ۇرپاققا اعىلشىن ءتىلىن ۇيرەنۋدىڭ ماڭىزدىلىعىن اتاپ وتىرادى. ادامنىڭ ۇنەمى ىزدەنىسكە, جاڭالىققا ۇمتىلۋى فيزيولوگيالىق قۇبىلىس, ال زاماناۋي تەحنولوگيالاردىڭ قوعامىمىزدىڭ ءتۇرلى سالالارىندا ورىن الۋى بۇگىنگىنىڭ باستى تالابى. بۇگىندە ەلىمىزدە ءبىلىم بەرۋ مازمۇنى جاڭارىپ, جاڭا كوزقاراستار نەگىزىندە يننوۆاتسيالىق وقىتۋ تەحنولوگيالارى ومىرگە كەلدى. سونىڭ ءبىرى «مم publications» باسپاسى ۇسىناتىن وقۋلىقتار.
اتالعان باسپا ۇلتتىڭ ەتنيكالىق سيپاتتامالارىن ەسكەرە وتىرىپ, اعىلشىن ءتىلىنىڭ زامان تالابىنا ساي كوممۋنيكاتيۆتى, ينتەراكتيۆتى جانە يننوۆاتسيالىق باعىتتا اعىلشىن تىلىندە وقۋلىقتار شىعارۋدى كوزدەيدى.
«يننوۆاتسيا» تەرمينى اعىلشىن ءتىلىنىڭ ء«ىnnovation» دەگەن سوزىنەن شىققان, ياعني «جاڭالىقتى ەنگىزۋ» ۇعىمىن بىلدىرەدى. XIX عاسىردا مادەنيەتتانۋشىلاردىڭ زەرتتەۋىنەن پايدا بولعان, ءبىر مادەنيەت تۇرلەرىن ەكىنشى ەل مادەنيەتىنە ەنگىزۋ دەگەندى بىلدىرەدى.
قازىرگى تاڭدا جاڭا پەداگوگيكالىق تەحنولوگيالار ءتۇرى وتە كوپ. ونى شەت ءتىلى ساباعىندا ءتيىمدى قولدانۋ مۇعالىمنىڭ شەبەرلىگىنە بايلانىستى. قوعام تالابىنا ساي شەت تىلدەرىن وقىتۋدا قويىلىپ وتىرعان ورتاق مىندەت – كوممۋنيكاتيۆتى باعىتتا وقىتۋ. ماقسات – وقۋشىلاردىڭ ءوز ويلارىن جەتكىزۋمەن شەكتەلىپ قانا قويماي, ولاردى ءوزارا ءتىل تابىسىپ, پىكىر الماسۋعا ۇيرەتۋ, ءوز جۇمىسىنا, توپتاعى نەمەسە سىنىپتاس وقۋشىنىڭ جۇمىسىنا, جاۋابىنا سىني تۇرعىدان تالداۋ جاساي الۋ, ءوز ويىن قورىتىندىلاي ءبىلۋ, ينتەراكتيۆتى جۇمىس جۇرگىزۋگە باۋلۋ.
«Interactive» اعىلشىن تىلىنەن اۋدارعاندا «ورتاق بەلسەندىلىك» دەگەن ماعىنانى بىلدىرەدى. يننوۆاتسيالىق وقىتۋ تەحنولوگيالارىنىڭ ءبىلىم بەرۋ جۇيەسىن دامىتۋ ىسىنە بەرەرى مول. ونى قولدانۋ وقۋشىنىڭ وزدىگىنەن ساباققا دايىندالۋ دەڭگەيىن ارتتىرادى, سونداي-اق وقۋ ۇدەرىسىن جۇرگىزۋدى قىزىقتى ەتەدى.
«مم publications» باسپاسى وسى ماسەلەلەردە وڭتايلى جول ۇسىنادى دەۋىمىزگە بولادى. باسپا ءونىمىنىڭ وقۋلىقتارى مازمۇنى جاعىنان وقۋشىلاردىڭ شىعارماشىلىق جانە زەرتتەۋشىلىك قابىلەتىن دامىتۋعا, بۇرىن بولماعان كاسىبي داعدىلاردى قالىپتاستىرۋعا, ساباقتى ينتەراكتيۆتى تۇردە وتكىزۋىنە مۇمكىندىكتەر تۋعىزادى. مىسالعا «Full Blast» وقۋلىقتارى ورتا مەكتەپ وقۋشىلارىنىڭ ءححى عاسىر قۇزىرەتتەرىن دامىتۋعا, زەرتتەۋ جانە شىعارماشىلىق قابىلەتتەرىن جەتىلدىرۋگە, ءوز الدىنا ماقسات قويۋ ارقىلى ونى جۇزەگە اسىرا بىلۋىنە, سونداي-اق ءوز ارەكەتىنىڭ ناتيجەلەرىن باعالاپ ۇيرەنۋىنە باعىتتالعان. كىتاپتا قازاق حالقىنىڭ جانە باسقا دا ەلدەردىڭ مادەنيەتى مەن ۇلتتىق داستۇرلەرى, قالالارى مەن ادەبيەتى تۋرالى تاقىرىپتار نازاردان تىس قالمايدى. مادەنيەت توڭىرەگىندەگى تاقىرىپتار وقۋشىلاردىڭ اعىلشىن ءتىلىن ۇيرەنە وتىرىپ ۇلتتىق سانا-سەزىمىن جوعالتپاۋعا كومەكتەسەدى. ال قىزىقتى ءۇي تاپسىرمالارى وقۋشىنىڭ وزدىگىنەن ساباققا دايىندالۋ دەڭگەيىن ارتتىرىپ, وقۋ ۇدەرىسىن جۇرگىزۋدى جانداندىرادى. «مم publications» باسپاسى سونىمەن قاتار بالالارعا جانە ەرەسەكتەرگە ارنالعان وقۋ كۋرستارىن, گرامماتيكالىق جانە لەكسيكالىق قۇجاتتاردى, ماتەريالداردى دايىنداۋمەن بىرگە باسقا دا كوپتەگەن ماتەريالدى ۇسىنادى.
ايتا كەتەرلىك جايت, «MM publications» باسپاسى ەۋروپانىڭ, افريكانىڭ, امەريكانىڭ, اۋستراليانىڭ جانە ازيانىڭ كوپتەگەن ەلدەرىندە جۇمىس ىستەيدى. كىتاپتاردى دايىنداۋ بارىسىندا باسپا حالىقارالىق ستاندارتقا ساي جەتىلدىرىلگەن ادىستەمەلەردى جانە اقش, كانادا, گرەكيا عالىمدارىنىڭ ءىس-تاجىريبەلەرىن پايدالانادى. اقمارال شالعىنباەۆا,
تالىمگەر